Luke 8:12 - Patamuna New Testament Revised

¹² Tùpànsen iwessolokasak lùppù asantawà uya yekama màlà, mùkyamlo Katù Maimu yetan nan. Tùse Tepùlù mùkkàlà tùuyàssen molopai itekale mokkanài tok yewan yapai, ailon te tok uya molopai tok wepùikattà tukaik.

Luke 8:12 Iomraidhean Croise

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 13:4

Tùnpàmà soloka ya tùse, tùulon kon wessolokappù asantawà, molopai tolon yamùk uyàpùppù inapùppù tok uya.

Mark 4:15

Tùulon kon nà kapon yamùk wechi màlà kùyali yek asanta yena polo iwessolokasak kasa Katù Maimu yetasak tok uya pe Settan, uyàpù màlà asse'ne Katù Maimu mokkase tok yewan yapai.

Luke 8:11

“Sàlàichi màlà panton nekama. Tùpànsen màlà Katù Maimu.

Luke 8:13

Tùpànsen iwepukasak lùppù tàk pon non pona uya yekama nai'nùk, mùkyamlo itekale yetan nan molopai yanùnnài nan tùutauchinpaik tùse ikala pùla tùwessan. Ailon tawonnan tachin pe pùla, molopai tùwelattàsan ailon winàpai ittuntok uyàssak yau.

Luke 8:5

“Tùwàppànsen kàyik utàppù tùnpàmà pànse. Tùnpàmà soloka ya umà yau tùse, tùulon kon wessolokappù asantawà, usanàtok yawàlà, molopai tolon yamùk uya inapùppù.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.