Luke 8:10 - Patamuna New Testament Revised

¹⁰ Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

Luke 8:10 Iomraidhean Croise

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Mark 4:11

Jesus uya tok maimu yeikuppù, “Katù wettok itepulu pe wechi tonantau ittutok tùsak man apyakù'nokon. Tùse tùulon kon Katù wechi tepulu kon pe ittunan pen uya ittutok uyàpù màlà panton winà.

Mark 4:12

Sàlà yamùk wekkupùppù màlà, ‘Tok uya yentoppe tùse màlà tùnene kon ittu tok uya tukaik. Tok uya là yeta toppe, tùse màlà tùnetappù kon ittu tok uya tukaik, yensak molopai yetasak tok uya yau, tùmakuyi kon winàpai tok welattà eppaino sàlà molopai tok makuyi pàk Katù usentupa eppaino,’ tukaik.”

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

1 Corinthians 12:11

Tamù'nawàlà sàlà yamùk màlà tewinan molopai mùkkàlà lùppù Akkwalù wotokoyi, molopai tewinpàk tok lepanài mùkkàlà iche tùwettok yawàlà.

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.