Luke 8:1 - Patamuna New Testament Revised

¹ Mala là tachin pe tùpo Jesus utàppù màlà pata yamùk eke ton molopai echikili ton nà pata yawàlà, Wakù Itekale Katù wettok itepulu pe yekale yekama pe. 12 pan kon ya'lon kon utàppù màlà ya'là.

Luke 8:1 Iomraidhean Croise

Matthew 11:1

Sàlà yamùk enupantok tùlù tùuya 12 pan kon ta'lon kon pàk yenuka'nùssak tùuya yau, Jesus uya màlà pata nàmàppù molopai itàppù kappon yamùk yenupase molopai itekale yekamase tok pata yamùk màlà yawolon kon nà yau.

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Matthew 9:35

Màlà yattai Jesus utàppù màlà tamù'nawàlà eke pata molopai echikili ton pata yamùk kaklanpa pe. Kappon yamùk yenupappù ya tok wepilittok itak tau, Wakù Itekale itepulu pe we'nàtok yekale yekamappù ya tok pàk, molopai kappon yamùk ipittàppù ya, yà'là yekkwa là palan molopai tok ye'netù yapai.

Mark 1:39

Màlàyau Wakù Itekale yekama pàk iwechippù molo synagogues tau'ne Galilee yawàlà. Molopai àli akkwalù yamùk yempakkapàtùppù ya.

Luke 1:80

Mule usemokappù molopai meluntà pe iwenappù takkwalù yau, iwemapùppù wontaik yau tùusenpoikatok Israel yamùk piyak weyu wessepolo ponalà.

Luke 20:1

Tewin wei yattai Jesus wechi Katù yùwùk tau kappon yamùk yenupa pàk molopai Wakù Itekale yekama pàk tùse paatele yamùk yepulu ton, Law pàk enupannan, molopai tùnamasan kàyik yamùk tawonnan uyàpùppù màlà ipyak,

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

Luke 9:6

Ya'lon kon utàppù màlà tamù'nawolon pata yamùk yawàlà Wakù Itekale yekama pe molopai kappon yamùk ipittà pe màttawàlà.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 13:32

Wakù Itekale nessak ina uya apyakù'nokon man, màlà Katù uya ikupù tùuya teppù lùppù kùtamo kon pàk. Màlà kussak ya man sàlà pe kùponalok kon pe, kùmyamlo tok payan nùssan, Jesus wuluuka tùuya weli'nàtok yapai winà. Iwe'menukasak yakon Psalm yau kasa, ‘Umu àmàlà, sàlà pe àkàipùnù pe wenasak man,’ tukaik.

Romans 10:15

Molopai atta ken uchi itekale yekama, itekale yekamannan yeunossak pùla iwechi tùse? Katù Maimu uya, “Wakù kulu màlà Wakù Itekale ne'nàinan pùta!” te màlà. {Isa 52.7}