Luke 7:39 - Patamuna New Testament Revised

³⁹ Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

Luke 7:39 Iomraidhean Croise

Matthew 20:16

“Màlàpàk mùkyamlo àkàmlà'nokon wechi màlà wapiya, molopai mùkyamlo wapiyalok kon wechi màlà àkàmlàk,” teppù Jesus uya.

Matthew 21:11

“Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Mark 7:21

Masapùla “I'napai, kappon yewan yapai nepakkayai'nùk màlà, àli pe usenumenkantok àli imakuyippù kuttoppe ya tesak ke iku'nài, amappe we'nàtoppe, we'wàntoppe,

Luke 12:17

Tùusenumenka pàk iwechippù màlà, tùyiwalà ‘Tamù'nawolon uyeipa pilipù uya patassek pùla man te. Yà'là kupù uya sa' ko?’ tukaik.

Luke 15:2

Pharisee yamùk molopai Law pàk enupannan tawonnan wessa'molùkappù màlà tùusàulàma kon pàk, “Pùsàlà mùkkàlà kàyik àli ku'nài nan yanùnnài molopai tùuta'lettàsen tok pokonpe!” tukaik.

Luke 16:3

‘Uyepulu wekkussak uwotokoyi yapai unonka pàk man te.’ Teppù ya tùyiwalà, ‘ Yà'là kupù uya là sa' uchi ko? Meluntà pe pùla tàwà wechi non yaka toppe uya, molopai wekkuli'mayaik enkui pe eppai pùla lù,’ teppù ya.

Luke 18:4

Tachin pe ittunài wechippù màlà ànkuppai pùla, molopai nen uchi tùpàk, ‘Katù namanài pe pùla lànen wechi tùse wapùla kappon yamùk nama uya pùla là tùse,

Luke 3:8

“Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka!

Luke 7:16

Tamù'nawolon kon usenalippasak wechippù màlà, molopai Katù yapulàppù tok uya. “Eke Katù Maimu yenpoikanài usenpoikasak man kùkklottakù'nokon!” molopai, “Katù uyàssak man tùponalok kon kappon yamùk pùikattàse!” tukaik.

Luke 7:37

Molo nossan wechippù, màlà pata yau àli pe tùwemassen, Jesus uta'lettà Pharisee yùwùk tau yekale yetappù ya màlà. Màlàpàk apoi'nan ten yawon kalapa nepùppù ya.

Luke 7:38

Molopai satippe iwechippù Jesus mùpoi winà, itta piyau, tùkalawù pàk. Molopai itta yaiku'mappù ya tenu palu ke. Ya'munakkappù ya tùnsek ke molopai itta yamùk kismappù ya. Molopai apoi'nan kalapa mappù ya ipona.

Luke 7:40

Jesus uselupappù, “Simon, unekama molo man àpàk,” tukaik. “Ewaik Enupanài, yekamakà,” teppù ya.

John 4:19

Nossan uya ipàk, “ uyepulu, Katù Maimu yenpoikanài pe ewechi pe tùttuyaik,” teppù.

John 7:12

Tukkan kon kùlottau ipàk tùuselupasan wechippù, “Wakù nen mùkkàlà,” tukaik. Tùse tùulon kon uya, “Kane, kappon yamùk yennakanài mùkkàlà,” teppù.

John 9:24

Yakon itekkwa pe tok uya enpùla echippù kàyik kà'mappù. Tok uya ipàk, “Katù yapulàtok auya itùkà, ailon pe wa kakkà! Ina nùttuyan pùsàlà kàyik wechi tùmakuyi yawon pe,” teppù.