Luke 7:3 - Patamuna New Testament Revised

³ Jesus yekale yetasak tùuya yau, Soicha yamùk yesak uya tùnamasan Jew yamùk tonpa yamùk yeunokoppù Jesus yekamappose iyàttoppe tapyoto ipittàse.

Luke 7:3 Iomraidhean Croise

Matthew 8:5

Jesus welepansak pata Capernaum pona yau, Rome pon soicha yamùk yesak uya iwakkàtùppù molopai Jesus pawanattàppù ya tùpùikattàtoppe ya.

Luke 7:2

Molon nà Soicha yamùk yesak wechippù tapyoto ke, tùwakùli pe kulu inkupù wechippù e'nek pe, iwelikù piyau.

Luke 7:4

Tok uyàpùppù Jesus piyak molopai tok uya ipawanattàppù tùuseka'nonkaik, “Pùsàlà kàyik ànpùikattà yek pe kulu man.

Luke 8:41

Màlàyau kàyik Jairus itesek, Jew yamùk wepilittok itak yepulu welepamùppù màlà. Iwettolùpattàppù Jesus pùta piyau molopai ipawanattàppù ya tùpata pona yak iità toppe.

Luke 9:38

Kàyik wentaimeppù tukkan kon kùlottapai, “Enupanài, apawanattàyan sa' tàwà iulà. Umu yenkà, tewinan kulu tàwà umu!

John 4:47

Jesus welepansak Judea poi Galilee pona yetasak tùuya yau, iitàppù ipyak molopai ipawanattàppù ya tùmu ipittàik iyàttoppe, iwelikù piyau iwechi pàk.

Philemon 1:10

Màlàpàk apawanattàyan Iulà Onesimus pàkànsau. Mùkkàlà umu Christ Jesus yau, masapùla patikichi tau echii'ma ikàipùnù pe wessak màlà Christ ittutoppe ya.