Luke 7:25 - Patamuna New Testament Revised

²⁵ Yà'là yense ken mùtàtantàu? Kappon wepontàsak wakù pon, yak yense? Wakù pe tùwepontàsan màlà kasa molopai wakù pe tùwemassan mùkyamlo eke kin patassek yau tùwemassan.

Luke 7:25 Iomraidhean Croise

Matthew 11:8

Yà'là yense ken mùtàtantàu? Kappon wepontàsak ka' wakù pon yak yense lù? Kappon yamùk màlà kasa wakù pe tùwepontàsan mùkyamlo kin patassek yau tùwemassan!

Matthew 3:4

John pon wechippù màlà camel pùpok yapai ikonekasak. Kamo pippà wechippù ipokùlùyi pe. Molopai iteipa wechippù kailau molopai yuk yawon wan.

Matthew 6:29

Tùse tekamayaik àpàkù'nokon Solomon nà wepontàppù wakù pe tewinnà yuk yùpùlù kasa pen màlà, tukke lànen temamin ke iwechi tùse.

Luke 16:19

“Molo iwechippù mamin yesak kàyik tùwepontàsen linen molopai epekkek pon yak, molopai wakù pe kulu tùwemassen wei kaichalà.

Luke 7:24

John maimu yekaman nan utà tùpo, Jesus weppyattàppù John pàk tùuselupa pàk, ilinà kappon yamùk pokonpe, “John piyak wontaik yak àutàsak kon yau, yà'là yene ken auya'nokon pàk enpen mettantàu? Wanak peimasak assetun uya?

Luke 7:26

Yekamatàk kon upàk, yà'là yene ken auya pàk enpen mettantàu? Katù Maimu yenpoikanài? Ewaik, àpàkù'nokon tekamayaik, Katù Maimu yenpoikanài yentaino nen mentantàu.