Luke 7:19 - Patamuna New Testament Revised

¹⁹ Molopai tok yeunokoppù ya Itepulu Jesus piyak yekamappose, “Àmàlà ken na' mùkkàlà iyàpù woton teppù lùppù John uya, wapùla ka' ina uya tùulon màmuku màlà lù?” tukaik.

Luke 7:19 Iomraidhean Croise

Mark 6:7

Tùnenupassan kà'mappù ya tùpyak, molopai tok yeunokoppù ya asa'là'ne. Àli akkwalù yentaikanài apàikek ke tok lepappù ya.

Luke 10:1

Sàlà tùpo Itepulu uya tùulon kon kàyik yamùk yanùmùppù 72 pe. Molopai tok yeunokoppù ya asa'là'ne, tùwapiya tok utàtoppe tamù'nawàlà pata yamùk tùutàtok yak woton kon yak.

Luke 11:1

Tewin wei yattai Jesus wechippù tùwàpùlema pàk pata yau. Iwenukassak yau ya'lon kon tonpa uya ipàk, “Ityepulu, ina yenupakà wàpùlemantok pàk, John uya ta'lon kon yenupappù kasa,” teppù.

Luke 11:39

Màlàpàk Jesus uya ipàk wateppù, “Amyamlo Pharisee yamùk mùkyamlo pùsau molopai palapi kukan nan polo po, tùse ayau'nokon àsà pe molopai àli pe we'nàtok ke awanùssak kon man.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

Luke 13:15

Itepulu uya yeikuppù, “Tùusennakasan amyamlo! Ànù'là ken na' àklottawon' nokon tùkùn paka wapùla tonki yeukanài itùwùk tapai pen, molopai yenpakkanài pen na' iwoppase Jew wàlàkkattok yattai.

Luke 17:5

Yeunossak kon uya Itepulu pàk, “Ailon tetok ina uya yeka'nùkkà,” teppù.

Luke 17:6

Itepulu uya yeikuppù, “Ailon tetok auya'nokon wechi mustard yenappà kaichalà yau, sàlà kùyali yek pàk, ‘Ekalakakà, akala pokonpe molopai àppànkà palau kak!’ te auya'nokon sàlà eppaino molopai amaimu kon yawàlà iwechi,” tukaik yeikuppù ya.

Luke 18:6

Molopai Itepulu uya, “Ailon pen ittunài uya wa teppù yetatàk kon.

Luke 19:8

Zacchaeus wà'mùssakkappù molopai Itepulu pàk, “Yetakà, Itepulu! Itesak pe wettok pantaka uya màlà upyau iwechi kaichalà entuppa'nokon yemyak, molopai ànù'là yama'masak uya yau, ye'ma uya màlà asakùlà'ne itekkwa,” teppù ya.

Luke 22:61

Itepulu welattàppù molopai Peter yeneppù ya iponalà, màlà yau Peter uya Itepulu maimuppù ittuppù, “Sàlà pe ewalupàttau kalicho tàwù wapiya, ‘Unùttu pen mùkkàlà,’ te auya màlà àsolùwau itekkwa,” tawon.

Luke 24:34

molopai tok uya, “Itepulu we'wuluukasak lù'man! Simon uya yeneppù man!” teppù.

Luke 7:13

Yensak tùuya yau Jesus usentupappù màlà tewan yapai ipàk. Molopai ipàk “Kakalawùi!” teppù ya.

Luke 7:20

Jesus piyak tùuyàssak kon yau, “Enpataukanài John uya ina yeunossak sàlà eyekamappose, ‘John uya ken na' iyàpù woton teppù lùppù àmàlà, wapùla ka' ina uya tùulon màmuku màlà lù?’ tukaik,” teppù tok uya.

John 11:2

Pùsàlà mùkkàlà Mary Jesus pùta kalapaimanàippù kalapa ke molopai itta ya'munakanàippù tùnsek ke. Mùkkàlà lui, Lazarus wechippù e'nek pe.

John 4:1

Pharisee yamùk uya, “Jesus, John yentai tùnenupa ton yepoyan molopai tok yenpataukayan,” te yetappù.

John 4:25

Nossan uya ipàk, “Mùkkàlà nen Messiah tùttuyaik,” Christ tukaik tesassen uyàpù. “Tùuyàssak yau tamù'nawolon yekama ya màlà ina pàk,” teppù.

John 6:23

Tiberias poi tùulon kon kanau yamùk uyàpùppù màlà pùlomù pusak napùppù ilinà kappon yamùk uya, tenki te Itepulu Jesus uya tùpo motak.

Revelation 11:3

Asa'lon kon uyekamanan yapàikketù ke tok lepa uya màlà. Tok wepontàsak wechi màlà usewankono'man yattaino pon yak, molopai Katù yekale yekama tok uya màlà 1,260 pe wei,” teppù màlà upàk.