Luke 6:6 - Patamuna New Testament Revised

⁶ Tùulon Jew yamùk wàlàkkattok weyu yattai Jesus utàppù Jew yamùk wepilittok itak tak molopai kappon yamùk yenupappù ya. Kàyik wechippù molo kamik pen itemyatù ichei'mesak.

Luke 6:6 Iomraidhean Croise

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Luke 13:10

Jew yamùk wàlàkkattok yattai Jesus uya kappon yamùk yenupappù wepili'nàtok itak tau.

Luke 14:3

Jesus uya Law pàk enupan nan molopai Pharisee yamùk tawonnan yekamappoppù, “Law yawàlà ken na' kappon ipittà Jew yamùk wàlàkkattok yattai wechi màlà, wa pùla kane?” tukaik.

Luke 4:16

Màlàyau Jesus utàppù màlà Nazareth pona, temokkappù lùppù yau yak. Molopai Jew wàlàkkattok yattai iitàppù màlà wepili'nàtok itak tak tùwessek kasa. Iwe'wuluukappù màlà Katù Maimu yekamase kaleta yapai.

Luke 4:31

Màlàyau Jesus utàppù Capernaum pona, pata Galilee pon pona, kappon yamùk yenupappù ya molo, Jew yamùk wàlàkkattok yattai.

Luke 6:1

Jesus utàppù màlà àlichi walai yek kùlottawà Jew wàlàkkattok weyu yattai. Ya'lon kon wepyattàppù àlichi walai pàika pàk, ichokossoko'mappù tok uya temyau'nokon, molopai tok uya inapùppù.

Luke 6:5

Molopai Jesus uya itonpatàppù, “Kàyik Mumu mùkkàlà Jew yamùk wàlàkkattok yattai Yepulu,” tukaik.

John 5:3

Màlà motau tukke e'nek ton wechippù enpùnon, tùusasan pen, molopai iitokkassak kon. [Tuna welaika màmuku pàk tok wechippù.

John 9:16

Tùulon kon Pharisee yamùk tonpa uya, “Pùsàlà kàyik wechi Katù winàpaino pe pùla man, masapùla Wàlàkka'nàtok weyu yeselu yawàlà pùla iwessak pàk,” teppù. Tùulon kon uya, “Yà'là kasa kulu ken uchi kàyik tùmakuyi yau tùwessen uya ittutok ipàkàlà kupù?” teppù. Ekkaichalà pùla tok usenumenkatok wechippù.