Luke 6:14 - Patamuna New Testament Revised

¹⁴ Simon (Peter pe nàlà inesettàppù) molopai Andrew itonpa, James, John, Philip, Bartholomew,

Luke 6:14 Iomraidhean Croise

Matthew 10:2

Sàlà yamùk uchi màlà teunossan yesek. Wapiyalok mùkkàlà Simon (Peter itesek) molopai itonpa Andrew, James molopai yakon John, Zebedee munkà yamùk,

Matthew 10:3

Philip molopai Bartholomew, Thomas molopai Matthew pùlayatta pili'nài, James, Alphaeus mumu, molopai Thaddaeus,

Matthew 4:18

Tùusalà Galilee yena pàk yau, Jesus uya asa'lon kon echiyakonnon molok yachi pàk tùwessan yeneppù, Simon (Peter tukaik tesassen) molopai itonpa Andrew tawonnan. Tok wechippù màlà molok yachi pàk punwe yai.

Matthew 4:21

Itàppù màlà miyaiwa molopai asa'lon kon tùulon kon echiyakonnon làma, James molopai John tawonnan, Zebedee munkà yamùk yeneppù ya. Tùkanwa kon yau tok wechippù tùkàipùnù kon Zebedee pokonpe tùpunwe kon yale'nattàpàtù pàk. Jesus uya tok kà'mappù màlà.

Mark 1:19

Malalà mei tùutàsak yau, James molopai John tawonnan Zebedee munkà yeneppù ya kanau yau nen tùpunwe kon yamùk yale'natàpàtù pàk tùwessan.

Mark 1:29

Jesus molopai inenupaton uya Synagogue nàmàppù, tok utàppù tossalà Simon molopai, Andrew tawonnan yùwùk tak. James, John tawonnan pokonpe tok utàppù.

Mark 14:33

Peter, James, molopai John tawonnan yalàppù ya ta'là. Eke pe kulu ittaimelunpatok molopai ichewankono'matok wechippù itewan yau.

Mark 3:16

12 pe kaichalà inkà'massan wechippù màlà. Simon, yesettàppù ya Peter pe,

Mark 5:37

Ànù'là utà ta'là iche pùla iwechippù tùse Peter, James, molopai yakon John tawonnan neken utàppù ya'là.

Mark 9:2

6 pe wei tùpo Jesus uya Peter, James, John tawonnan yalàppù ta'là kawon wùk pona, tùmàlàpe'nokon neken tùwettokkon pe. Tok wechi itenupàkà tùse iwemyakanmappù tok yemlotopo.

Luke 5:10

Mùkyamlo lùssan wechippù màlà Simon wechi yakon non pe, James molopai John tawonnan Zebedee munkà yamùk. Jesus uya Simon pàk, “Kettalipatàu! Sàlà motapai kappon yamùk yachi auya'nokon màlà,” teppù.

Luke 5:8

Iwekkussak lùppù yensak tùuya yau, Simon Peter wenappù tese'mu yok Jesus yemloto po molopai, “Itàkà uwinàpai Uyepulu, masapùla Iulà mùkkàlà àli umakuyi yawon!” teppù ya.

Luke 6:13

Wei wepakkasak yau ta'lon kon kà'mappù ya tùpyak molopai 12 pe tok yanùmùppù ya.Tok yesettàppù ya “teunossan” tukaik.

Luke 6:15

Matthew, Thomas, James Alphaeus mumu, Simon Zelotes tukaik tesassen,

John 1:45

Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 14:8

Philip uya, “Itepulu, Àkàipùnù yenpoikakà ina uya yentoppe, màlà neken nà iche ina man,” teppù.

John 6:5

Jesus uya tenu tùlùppù, molopai ilinà kappon yamùk uyàpù tùwinàkàik yeneppù ya. Philip pàk, “I'nai motau ken kùyali ye'ma pe nai tamù'nawolon kon pùsamo yewettoppe?” teppù ya.

John 6:8

Tewinannà inenupa ton Andrew, Simon Peter tonpa uya ipàk,

Yeunossak kon Wotokoyi 1:13

Tok welepamùppù Jerusalem pona, tok utàppù tapùi kawon pan tak molo tùwetok kon yak. Molo tùwessan mùkkyamlo Peter, John, James, molopai Andrew, Philip, molopai Thomas, Bartholomew, molopai Matthew, James Alphaeus mumu, Simon Zealot, molopai Judas, James mumu.

Yeunossak kon Wotokoyi 12:2

James, John lui, wàtoppe kasupala sà wino'nan yà ke ikupùppù ya.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.