Luke 5:34 - Patamuna New Testament Revised

³⁴ Jesus uya yeikuppù, “Tùwàwàsan yattai ken na' tok tonpa yamùk wechi tùuta'lettàik pùla tùwàwàsen umoine wechi molo tùpyau'nokon tùse pe mekamayatàu? Kane!

Luke 5:34 Iomraidhean Croise

Matthew 22:2

“Sàlà kasaichi itepulu pe we'nàtok epùn po wechi màlà, Kin tùmu ponaloppe iwemali'ma yattai uta'lettàntok konekanàippù kasa.

Matthew 9:15

Jesus uya yeikuppù, “Tùwemali'masan nùkà'massan uta'lettàtok wechi ken na' pokoi pe ema'non tayappù woton wechi molo tùpyau'nokon tùse pe mekamayataù? Kane! Tùse pata weyu uyàpù màlà tok winàpai tùwemali'masen kàyik mokkatok yattai, molopai nen uchi tok wechi màlà tùuta'lettàik pùla.

Luke 5:33

Tok uya Jesus pàk, “John ya'lon kon mùkyamlo tùuta'lettàik pùla tùwessan echipalà molopai tùwàpùlemassan, molopai Pharisee yamùk ya'lon kon mùkyamlo màlà lùppù ku'nài nan, tùse aya'lon kon mùkyamlo tùuta'lettàsan molopai tinchisen inchinài nan,” teppù.

Luke 5:35

Tùse pata weyu uyàpù màlà tùwàwàsen umoine wemokkatok tok winàpai yattai. Màlàyau làichi tùuta'lettàik pùla tok wechi màlà,” tukaik.

John 3:29

Tùwemali'masen umoine ponalok mùkkàlà ema'non. Umoine wechi yakon wechi màlà ipyau yeta pàk, molopai itauchinpa tùwechi yakon maimu yeta tùuya yau. Màlàpàk utauchinpayaik eke pe tùwemali'masen wechi yakon utauchinpa kasa.

2 Corinthians 11:2

Ukùlùmàlunyaik ewenai'nokon Katù kùlùmàlu kasa làma. Masapùla esukenan ema'non kàyik nappàtùppù pen kasa ewechi kon pàk molopai àyàwà'nùpù kon uya tewin itayappù Christ piyak teppù uya ipàk lùppù pe ewechi kon.