Luke 5:32 - Patamuna New Testament Revised

³² “Wakù ton kappon yamùk kà'mase uyàssak pen sàlà, tok welattà toppe àli kuttok winàpai Katù winàkàik, tùse àli ton làkku,” tukaik.

Luke 5:32 Iomraidhean Croise

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 9:13

Itàtàk kon uchi molopai sàlà Katù Maimu nekama pàk esenupatàk kon, ‘Usentuppantok ichelok Iulà kamo tùlù tùpottàsen pe ichelok pen.’ {Hosea 6.6} Masapùla wakù ton tùnamasan kappon yamùk kà'mase uyàssak pen sàlà, tùse àli ku'nàinan làkku kà'maik uyàssak,” tukaik.

Mark 15:10

Ittuppù ya là màlà paatele yamùk yennàinan uya Jesus tùsak tùpyak, masapùla ipàk tùkùlùmàlu kon pàk.

Mark 15:7

Molo iwechippù màlà kàyik Barabbas itesek patikichi tau tùulon kon kùlottau pata yesak winàkàik tùwepanta'maik kappon wànàippù.

Mark 2:17

Yetasak tùuya pàk, Jesus uya, “Mùkyamlo pàli'yau nai'nannùk mùkyamlo ipittànài iche tùwessen pen. Tùse e'neppe neken nen tùwessan mùkyamlo ipittànài iichelok kon. Wakù ton kà'maik uyàssak pen sàlà, tùse àliton nàkku” teppù.

Luke 15:10

Màlà kasa làma inchelù yamùk mùkyamlo tùutauchinpasan tewin nan nà àli ku'nài kappon welattàsak àli kuttok tùuya winàpai yau,” teppù Jesus uya.

Luke 15:7

Màlà kasa làma màlà eke pe utauchinpantok wechi màlà Epùn po, tewin nà tùmakuyi yawon welattàsak àli kuttok tùuya winàpai yau, 99 pan kon ikasa kulu tùwessan kappon yamùk pàk utauchinpan yentai, tukaik tekamayaik àpàkù'nokon,” teppù Jesus uya.

Luke 19:10

Masapùla Kàyik Mumu uyàpùppù màlà iitassak kon iwase molopai tok pùikattàse,” teppù.

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

Luke 5:31

Jesus uya tok maimu yeikuppù, “Kappon yamùk e'nek ton pen mùkyamlo ipittànài iche tùwessan pen, tùse e'nek ton neken,” tukaik.

Luke 5:33

Tok uya Jesus pàk, “John ya'lon kon mùkyamlo tùuta'lettàik pùla tùwessan echipalà molopai tùwàpùlemassan, molopai Pharisee yamùk ya'lon kon mùkyamlo màlà lùppù ku'nài nan, tùse aya'lon kon mùkyamlo tùuta'lettàsan molopai tinchisen inchinài nan,” teppù.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Yeunossak kon Wotokoyi 3:19

Elattàtàk kon uchi àli kuttok auya'nokon winàpai, elattàtàk kon Katù winàkàik màlàyau amakuyi kon kolùka ya màlà,

Yeunossak kon Wotokoyi 3:26

Màlàpàk Katù uya wapiya tapyoto wuluukappù weli'nàtok yapai molopai yeunokoppù apyakù'nokon, àpùlemase' nokon, tewinpà'ne ewelattà kon pa àli kuttok auya'nokon winàpai,” teppù Peter uya.

Yeunossak kon Wotokoyi 5:31

Molopai Katù uya iwuluukappù tùlaitanù yak, Itepulu pe molopai Pùikattànài pe. Kappon yamùk Israel pon kon welattàtoppe tùmakuyi kon winàpai. Tùmakuyi kon pàk usentuppantok yepotoppe tok uya.

2 Peter 3:9

Itepulu mùkkàlà ikupù tùuya teppù tùuya lùppù ko'mankanài tachinpe pen, tùulon kon usenumenka ipàk kasa. Tùse làkku àpàlikanài'nokon mùkkàlà molopai tùusetakkasen pen àpàkù'nokon masapùla ànù'là wettalumattà iche pùla tùwechi pàk, tùse tamù'nawolon kon welattà makui winàpai iche tùwechi pàk.