Luke 5:30 - Patamuna New Testament Revised

³⁰ Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

Luke 5:30 Iomraidhean Croise

Matthew 5:46

À'nùnman nan pùnùnma auya'nokon yau, yà'là ken eyepeppù yepolo auya'nokon? Pùlayatta pili'nàinan nà mùkyamlo iku'nàinan màlà kasa!

Matthew 9:11

Pharisee yamùk tonpa yamùk uya sàlà yeneppù màlà, molopai Jesus ya'lon kon yekamappoppù tok uya, “Ya'là peichi iwechi pàk eyenupanài'nokon uta'lettà màlà pùlayatta pili'nài nan molopai àli ku'nài nan pokonpe?” tukaik.

Mark 2:16

Law pàk enupanài nan molopai Pharisee yamùk uya iita'lettà yeneppù pùlayatta pili'nài nan molopai àliton pokonpe. Màlàyau tok uya inenupa ton yekamappoppù, “Yà'là pe ken iwechi pàk iita'lettà màlà pùlayatta pili'nài nan molopai àliton pokonpe? tukaik.

Mark 7:3

Pharisee yamùk molopai Jew yamùk wechippù màlà tùtamo kon yeselu lùssan ku'nài nan pe. Tok uta'lettà màlà mùyak kukatok yàwàlà tùuseyasse.

Mark 9:16

“Yà'là pàk àusàulàma kon màlà tok pokonpe?” tukaik Jesus uya tùnenupa ton yekamappoppù.

Luke 18:11

Pharisee we'wuluukappù molopai iwàpùlemappù, ‘Tenki ukayaik àpàk, Katù, tùulon yemamin iche tùwessen pe pùla wechi pàk, kasei pe pùla wechi pàk, wapùla àli pe tùwelaikasen pe pùla wapùla àli ku'nài pe pùla wechi pàk, tamù'nawolon kon kasa pùla wechi pàk. Tenki ukayaik àpàk mùkkàlà pùlayatta pili'nài kasa pùla wechi pàk.

Luke 19:7

Yennài nan nùssan kappon yamùk wessa'molùkappù tùusàulàma kon pàk, “Pùsàlà kàyik utàsa'man àli ku'nài yùwùk tak ikaklamu pe,” tukaik.

Luke 5:17

Tewin wei yattai Jesus wechi enupan pàk tùse, Pharisee yamùk molopai Law pàk enupan nan wechippù chichiu pe mei kulu pùla, tamù'nawolon pata Galilee molopai Judea tawon yailà pai iyàssak kon, molopai Jerusalem poi iyàssak kon. Wakù Akkwalù meluntàlù wechippù molo Jesus piyàu e'nek ton ipittà toppe ya.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

Luke 7:34

Kàyik Mumu uyàpùppù, molopai itta'lettàppù molopai tùwuku inchippù ya, màlàpàk ‘Eke pe tùuta'lettàsen mùkkàlà molopai ipla tùwetùnsen, pùlayatta pili'nài nan wechi yakon molopai àli ku'nài nan wechi yakon,’ teppù auya'nokon.

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

Yeunossak kon Wotokoyi 23:9

Màlàpàk wentaimepà'nàtok wenappù eke peiwa, molopai Law pàk enupannan tonpa yamùk, Pharisee yamùk tonpa we'wuluukappù molopai tok yekamappoppù ya meluntà pe. “Iwalai pen yepolo kùuya'nokon pùla man pùsàlà kàyik yau! Yattai pùla Akkwalù wapùla Inchelù uselupappù pe iwechi màlà ipokonpe!” tukaik.