Luke 5:10 - Patamuna New Testament Revised

¹⁰ Mùkyamlo lùssan wechippù màlà Simon wechi yakon non pe, James molopai John tawonnan Zebedee munkà yamùk. Jesus uya Simon pàk, “Kettalipatàu! Sàlà motapai kappon yamùk yachi auya'nokon màlà,” teppù.

Luke 5:10 Iomraidhean Croise

Matthew 13:47

“Molopai sàlà kasa nàlà itepulu pe we'nàtok epùn po wechi màlà. Punwe yenu'masak tuna kak, molopai ànùk yekkwa ton nà molok yamùk yachinài kasa.

Matthew 14:27

Jesus uya tok yelupappù màlà asse'ne. “Meluntàk kon! Iulà mùkkàlà. Kettalipatàu!” tukaik.

Matthew 20:20

Màlàyau Zebedee munkà yan uyàpùppù màlà Jesus piyak walawotichi tùmunkà yamùk pokonpe, iwepeimappù itemlotopo molopai iche tùwettok yennappù ya ipàk.

Matthew 4:19

Jesus uya tok pàk, “Uya'là àittàk kon molopai eyenupa kon uya màlà kappon yamùk ne'nàinan pe ewechi kon pa,” teppù.

Matthew 4:21

Itàppù màlà miyaiwa molopai asa'lon kon tùulon kon echiyakonnon làma, James molopai John tawonnan, Zebedee munkà yamùk yeneppù ya. Tùkanwa kon yau tok wechippù tùkàipùnù kon Zebedee pokonpe tùpunwe kon yale'nattàpàtù pàk. Jesus uya tok kà'mappù màlà.

Mark 1:17

“Àitàk kon uya'là kappon yamùk yachinài nan pe eyenupa kon uya màlà,” teppù Jesus uya tok pàk.

Luke 5:7

Màlàpàk tok uya tùtonpa kon yamùk, tùulon kanau yawon kon kà'mappù tok uyàttoppe tùpùikattàse'nokon. Tok uyàpùppù molopai asakklàma kanau yamùk yanùkkappù tok uya tok useulankaiwappù nen uchi.

Luke 5:9

Mùkkàlà molopai tamù'nawolon kon itonpa yamùk usenumenkappù kulu màlà tukke molok yamùk yachisak tùuya'nokon pàk.

Luke 6:14

Simon (Peter pe nàlà inesettàppù) molopai Andrew itonpa, James, John, Philip, Bartholomew,

John 21:2

Simon Peter, Thomas munuik tukaik tesassen, Nathanael, Cana Galilee pon poino, Zebedee mumu yamùk, molopai asa'là tùulon kon Jesus nenupa ton nùssan wechippù màlà molo tamùkke.

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

2 Corinthians 8:23

Titus mùkkàlà upatùnayi molopai we'wotokoma yakon àkklottawà'nokon, màlà kasa làma tùulon kon tonpawannà yamùk ya'là nai'nannùk. Mùkyamlo wechi màlà sochi yamùk neunokoppù pe, molopai apulàntok ne'nài nan pe Christ ponaloppe.

2 Timothy 2:26

Tok uyàpù màlà ikasa tùusenumenkatok kon yak molopai tok wepùikattà màlà Makui uya pùlannàtok molopai iche iwettok kuttok winàpai.