Luke 4:7 - Patamuna New Testament Revised

⁷ “Tamù'nawàlà nen uchi sàlà wechi àponalok pe màlà uyapulàsak auya yau,” teppù ya.

Luke 4:7 Iomraidhean Croise

Matthew 2:11

Tapùi tak tok wewomùppù màlà molopai mule yeneppù tok uya tùsan Mary pokonpe. Tese'mu kon yok tok wenappù molopai tok uya yapulàppù.Màlàyau tapluli kon yen yakkokappù tok uya. Molopai tùntùlù kon tùlùppù tok uya, kolù, appoi'nan tùpottàsen, frankincence, molopai appoi'nan kalapa itesek myrrh.

Luke 17:16

Iwettolùpattàppù màlà non pona Jesus pùta piyak, tenki tei'ma. Samaria pon pe iwechippù màlà.

Luke 4:6

“Sàlà yepulu pe we'nàtok ke elepa uya molopai tamù'nawàlà temamin ke we'nàtok ke,” teppù ya ipàk. “Tamù'nawàlà itùsak lùppù sàlà uyemyak molopai itùlù uya nàlà màlà ànù'là unanùmù yemyak,” teppù ya.

Luke 4:8

Jesus uya yeikuppù, “Katù Maimu uya, ‘Itepulu Katù inamakà molopai mùkkàlà neken ya'là ekkà molopai iponalok pe e'wotokomakà!’ tesak man,” tukaik. {DEU 6:13}

Luke 8:28

Jesus yensak tùuya yau iwentaimeppù eke pe, iwekkawai'mappù Jesus yemloto po molopai “Jesus, eke kulu tùnamasen Katù Mumu! Yà'là pe wechi iche messan? Apawanattàyan iulà, kùtalumattài tàwà!” teppù ya.

Revelation 22:8

Iulà, John, uya màlà tamù'nawàlà sàlà yamùk yetappù molopai yeneppù. Molopai sàlà yamùk yetakassak uya molopai yenkassak uya yau, wepeimappù inchelù pùta piyau yapulàtoppe uya, mùkkàlà sàlà yamùk yekamanàippù upàk.

Revelation 4:10

Katù ponalok kon 24 pan kon eke ton wepeimappù non pona mùkkàlà aponnok po chichiu pe tùwessen yemloto pona. Tok uya yapulàppù molopai inamappù mùkkàlà tùwemassen tàwàlàlà molopai tàwàlàlà. Tok uya talùko kon nonkappù aponnok yemloto pona. Molopai,

Revelation 5:8

Kaleta yekkwassak ya yau, asakùlà'nan kon nulànan kon ànùkyan nànan molopai 24 pan eke ton tùnamasan wepeimappù Kalinilu Mule yemloto po. Tùkaichalà' ne'nokon tùwayi ke'ne tok wechippù. Molopai kolù pùsau yamùk appoi'nan tùpottàsen ke yanùkkasak yesappe'ne. Sàlà yamùk màlà Katù munkà yamùk wàpùlematok.