Luke 4:41 - Patamuna New Testament Revised

⁴¹ Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.

Luke 4:41 Iomraidhean Croise

Matthew 26:63

Tùse Jesus wechippù eppana. Molopai Eke kulu paatele uya tu'ma, “Tàwàlàlà tùwemassen Katù yesek tesassse, euselupakà. Ina pàk yekamakà Christ pe na' ewechi màlà, Katù mumu pe?” teppù.

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Matthew 8:16

Pata uko'mansak yau, kappon yamùk uya tukkan kon àli akkwalù yamùk yen ton nepùppù Jesus piyak. Àli akkwalù yamùk yenpakkappù ya màlà tùmaimu ke molopai tamù'nawolon kon e'netton ipittàppù ya.

Matthew 8:29

Asse'ne kulu tok wentaimeppù, “Yà'là pe ina wechi iche messan, Katù Mumu? Ina talumattàse na' àuyàssak màlà ina weyu wapiya?” tukaik.

Matthew 8:4

Màlàyau Jesus uya ipàk, “ Ànù'là pàk kùsekamai, tùse tossalà paatele piyak itàkà eyentoppe ya. Molopai Moses nekamappù lùppù àntùlù pe itùtà euchipittàsak yekama pe nen uchi tamù'nawolon kon pàk,” teppù.

Mark 1:25

Jesus uya ipàk meluntà pe, “Eppana ekkà, epakkakà mùkkàlà kàyik yapai!” teppù.

Mark 1:32

Ko'man pe, wei patappù pe e'nek ton nepùppù kappon yamùk uya Jesus piyak molopai àli akkwalù yesak ton nà.

Mark 1:34

Tukkan kon ipiitàppù ya tùpatalo'nan itepalan ton, molopai àli akkwalù yamùk là yenpakkappù ya. Tok uselupatok yattai ke Jesus uya tok lepappù pen, masapùla tok uya tùyittu pàk.

Mark 3:11

Àliton nà yakkwalù wekkawai'ma itemlotopo yene tùuya'nokon pàk, “Àmàlà mùkkàlà Katù Mumu,” tukaik tok wentaimeppù.

Luke 4:39

Iitàppù molopai satippe iwechippù itekkwek piyau molopai iwàkàmi'matok pàk, “Wa là àmolonkakkà,” teppù ya. Màlàyau iwàkkàmi'makapùppù molopai iwà'mùssakappù asse'ne kulu, tok yeipa konekappù ya.

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

James 2:19

Ailon tawonnan amyamlo tewinan neken Katù wechi molo pàk. Wakù pe man! Àli yakkwalù yamùk nàlà mùkyamlo ailon tawonnan, molopai ippla tùkùtùkù pe tùwettalippasan tùplànài'nùnsan.