Luke 4:23 - Patamuna New Testament Revised

²³ Tok pàk, “Tùttuyaik yekamasak lùppù yekama auya'nokon upàk, ‘Ipitànài, echipittàkà,’ tawon. Molopai, ‘Màlà yamùk ànkupùppù Capernaum po lùppù ina netappù nàlà ikukkà apatasek yau,’ te nàlà auya'nokon màlà upàk.

Luke 4:23 Iomraidhean Croise

Matthew 13:54

Molopai iwennappoppù màlà tùpata yak. Molo kappon yamùk yenupappù ya tok wepilittok itak tau, molopai mùkyamlo iichelupa yetannannùssan usenumenkasak wechippù màlà. “I'nailà pai ken uchi tùpukketù yepoloppù ya? Molopai yà'là yekkwa ken uchi màlà inkupù tùwekkussen yek ton pen?” tukaik tok usekamappoppù tùyiwalà'nokon.

Matthew 4:13

Nazareth tùnànse itàppù Capernaum pona. Molo iwemappàtùppù palau Galilee piyawon Zebulun molopai Naphtali tawon yawon pata yau.

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Mark 6:1

Màlà tùpo Jesus wennappoppù màlà pata yapai tùpatasek Nazareth pona.Inenupa ton wechippù ya'là.

Luke 2:39

Tamù'nawolon Itepulu winàpaino Law wettok ikupù iche yenuka'nùssak tùuya'nokon yau, tok wennapoppù Galilee pon, tùpata kon Nazareth pona.

Luke 2:51

Màlàyau Jesus wennapoppù tok ya'là Nazareth pona. Màlà motau tok maimu yawàlà iwechippù. Ichan uya tamù'nawàlà sàlà yamùk kupùppù tewan yau.

Luke 4:16

Màlàyau Jesus utàppù màlà Nazareth pona, temokkappù lùppù yau yak. Molopai Jew wàlàkkattok yattai iitàppù màlà wepili'nàtok itak tak tùwessek kasa. Iwe'wuluukappù màlà Katù Maimu yekamase kaleta yapai.

Luke 4:31

Màlàyau Jesus utàppù Capernaum pona, pata Galilee pon pona, kappon yamùk yenupappù ya molo, Jew yamùk wàlàkkattok yattai.

Luke 4:35

Jesus uya meluntà pe akkwalù pàk, “Eppana ekkà, molopai epakkakà kàyik yapai!” teppù. Àli akkwalù uya kàyik yenu'mappù tok yemloto po, molopai iwepakkappù yapai tùmattanùsse pùla.

Luke 6:42

Atta ken uchi àtonpa kon pàk, ‘Utonpa, masa elekkwà kulu apok ippunuppù tùmokkaiche eyenu yapai,’ te auya'nokon, eke yei eyenu yawon tense pùla là? Tùwetapansan amyamlo! Eke yei imokkakà eyenu yapai wapiya, molopai nen uchi elekkwà apok ippunuppù àtonpa kon yenu yawon yene auya'nokon màlà molopai imokka auya'nokon,” teppù Jesus uya.

John 4:28

Màlàyau nossan uya tù'nakkwa yen nàmàppù, iwennappoppù pata pona, molopai kappon yamùk pàk,

2 Corinthians 5:16

Màlàpàk sàlà motapai kappon nùttutok yawà ànù'là ittunài pen ina. Pena lànen Christ ittupù ina uya kappon uya ituntok yawà. Màlà ku'nài nan pen nen uchi ina.