Luke 4:17 - Patamuna New Testament Revised

¹⁷ Molopai Katù Maimu yenpoikanài Isaiah itesek, kaletayi tùlùppù màlà itemyak. Kaleta yakkokappù ya molopai yepoloppù ya iwe'menukasak lùppù.

Luke 4:17 Iomraidhean Croise

Luke 16:29

“Abraham uya, ‘Àlunan Moses kaletayi yesappe man molopai Katù Maimu yenpoikannan tu'ma molo man tok panamannan pe. Tàwàichi mùkyamlo uya telupa kon yetai tok,’ teppù.

Luke 20:42

Masapùla David uya, ‘Itepulu uya Uyepulu pàk, Chichiu pe ekkà sà motau ulaitannù winà.

Luke 4:16

Màlàyau Jesus utàppù màlà Nazareth pona, temokkappù lùppù yau yak. Molopai Jew wàlàkkattok yattai iitàppù màlà wepili'nàtok itak tak tùwessek kasa. Iwe'wuluukappù màlà Katù Maimu yekamase kaleta yapai.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

Luke 4:20

Kaleta yakkoloppù ya, innapoppù ya itùnàippù yemyak molopai iweleutappù. Tamù'nawolon kon kappon yamùk wepilittok itak tawon kon wechippù itenupàkà.

Yeunossak kon Wotokoyi 13:15

Law molopai Katù Maimu yenpoikannan nùmenukappù yene tùpo, Jew yamùk wepilittok itak yesak ton uya mayin yeunokoppù Barnabas molopai Paul piyak. “Ina tonpa yamùk, kappon yamùk yelupa auya'nokon iche ina man, Itekale tok meluntàlùttàtok auya'nokon wechi molo yau,” tukaik.

Yeunossak kon Wotokoyi 13:27

Masapùla kappon yamùk Jerusalem pon kon, molopai tok yepulu yamùk uya, Jesus ittu pùla iwechippù. Molopai tok uya Katù Maimu yenpoikannan Maimu lùppù tùnene kon echipalà Jew yamùk wàlàkkattok weyu yattai'ne ittu pùla iwechippù. Tùse pùsamlo yenpoikannan maimu lùppù kupùppù tok uya iwekkupù màlà teppù Katù uya kasa, Jesus kupùppù tùuya'nokon pàkàlà.

Yeunossak kon Wotokoyi 7:42

Tùse Katù welattàppù tok winàpai molopai tok tùlùppù ya tok wepeimatoppe chilùkà yamùk kak yawon kon pàk, iwe'menukasak Katù Maimu yenpoikannan kaletayi yau kasa, ‘Israel pon kon kappon yamùk! Ulepatok auya'nokon molopai ànpottà kon na' mùnettantàu 40 pe kilichimochi wontaik yau.