Luke 3:8 - Patamuna New Testament Revised

⁸ “Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka!

Luke 3:8 Iomraidhean Croise

Matthew 21:43

“Màlàpàk tekamayaik àpàkù'nokon, sàlà lepantok mokka màlà ewinàpai'nokon molopai itùlù màlà kappon yamùk wakù pe tùwepetasan yemyak.

Matthew 3:8

“Màlà yamùk ikuttàk kon amakuyi kon winàpai ewelattàsak kon yekamanài.

Matthew 3:9

Molopai ‘Abraham mùkkàlà ina kàipùnù’ kùkatàu. Tekamayaik àpàkù'nokon Katù uya nen sàlà yamùk tàk yanuku molopai Abraham munkà yamùk pe ikoneka ya.”

Luke 13:25

“Tapùi yesak we'wuluuka màlà manatta yakkose. Màlà yattai polopo satippe ewechi kon màlàyau manatta wànà auya'nokon. ‘Manatta yakkokakà ina wewon toppe, ina yepulu,’ te auya'nokon. Màlàyau eyeiku kon ya màlà, ‘ I'nailàpai là àuyàssak kon ittu uya pùla man!’ tukaik.

Luke 13:26

Màlàyau, ‘Ina uta'lettàppù kutà molopai tùwukukon inchippù ina uya àpokonpe. Molopai kappon yamùk yenupappù auya ina pata yau,’ tukaik yeiku auya'nokon.

Luke 14:9

Màlàyau àkà'manàippù'nokon uyàpù nen uchi molopai, ‘Tàwà pùsàlà sàlà patassek yanùmùi,’ te ya àpàkù'nokon. Màlàyau nen uchi ewekuli'ma kon, wakù kulu pen nen uchi patassek yak eweleuta kon.

Luke 19:40

Jesus uya yeikuppù, “Eppana tok wechi yau, tàk yamùk wentaime màlà, ukayaik àpàkù'nokon,” tukaik.

Luke 19:9

Jesus uya ipàk, “Wepùikattàntok uyàssak man sàlà tapùi tak sàlà pe, masapùla pùsàlà kàyik nàlà mùkkàlà Abraham pa.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

John 8:33

Tok uya imaimu yeikuppù, “Abraham payanùssan nen ina, yà'là yattai là ànù'là yapyoto pe ina wessak pùla man. Yà'là te ken uchi auya uya màlà, ‘Appyoto pe pùla àkupù,’ te?” tukaik.

John 8:39

Màlàyau tok uya, “Abraham nen mùkkàlà ina kàipùnù,” teppù. Jesus uya tok maimu yeikuppù, “Abraham munkà pe ewechi kon yau, inkupùppù kupù auya'nokon sàlà eppaino.

Yeunossak kon Wotokoyi 26:20

Wapiya Damascus po molopai Jerusalem po molopai nen uchi tamù'nawàlà pata Judea yau molopai Jew yamùk pen kùlottau, Wakù Itekale yekamappù uya tok welattà toppe Katù winàkàik tùmakuyi kon winàpai, molopai yà'làlà tùwemyakanmasak kon yekamanài kuttoppe tok uya.

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

Romans 9:7

Molopai tamù'nawolon kon wechi là Abraham munkà yamùk pe, ipayan yamùk pe tùwechi kon pàk pen màlà. Masapùla Katù uya Abraham pàk, “Isaac munkà yamùk molopai ipayan yamùk neken ittu màlà apayan pe,” tesak pàk. {Gen21.12}

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.