Luke 3:7 - Patamuna New Testament Revised

⁷ Tukkan kon kappon yamùk uyàpùppù màlà John piyak tenpataukatok kon pe ya. “Àkài yamùk! Ànùk ken Katù we'naikatok iyàpù winàkàik nai'nùk winàpai ewepe kon pa nekamatai?” teppù ya tok pàk.

Luke 3:7 Iomraidhean Croise

Matthew 12:34

Àkài yamùk, atta ken uchi wakù pe euselupa kon àli pe echii'ma'nokon? Masapùla ewan yawon yekamanài màlà mùta.

Matthew 23:33

Àkài yamùk, molopai àkài yamùk munkà! Yà'là kasa ken uchi ewepe kon apok patassek yak àutà kon winàpai pe mùttuyatàu?

Matthew 3:6

Tok uya tùmakuyi kon yekamappù molopai tok yenpataukappù ya Jordan kau.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Yeunossak kon Wotokoyi 13:10

Molopai wateppù ya “Devil mumu àmàlà! Tamù'nawàlà wakù ton iteyaton àmàlà. Molopai àli ennakantok ke iwanùssak àmàlà molopai Katù wettok ailon pe lattàiche tùwessen àmàlà kasei pe!

1 Thessalonians 1:10

Molopai Imu, Jesus Christ uyàpù epùn poi màmuku kon pàk ewechi kon, inwuluukappù lùppù weli'nàtok yapai, molopai pùikattànài Katù we'naikatok tùuyàpù woton winàpai pàk tùuselupasan.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.