Luke 3:16 - Patamuna New Testament Revised

¹⁶ Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

Luke 3:16 Iomraidhean Croise

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Matthew 3:12

Kùyali pantakatok tùuya ipippà winàpai yesappe man. Ipilipù ya màlà kùyali yùwùk tak. Tùse ipippà lùppù pottà ya màlà tùusà'nùssen pen apok ke!” teppù ya.

John 1:26

John uya tok maimu yeikuppù, “Tuna ke enpataukanài Iulà. Tùse molo man àkklottau'nokon sattippe tewinannà kappon, ittu auya'nokon pùla.

John 1:27

Mùkkàlà uye'mappù nùyàssai'nùk wechi màlà ittassa yewa yeuka uya yeselùkek pùla,” tukaik.

John 1:33

Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 7:38

Katù Maimu uya yekamasak yawàlà, Mùkkàlà ailon tawon upàk yewan yapai màlà wema'nà tunakkwa u'ma,” tukaik.

Yeunossak kon Wotokoyi 1:5

“John uya enpatauka'nàppà màlà tuna ke, tùse eyenpatauka kon màlà Wakù Akkwalù ke, tukke kulu wei tùpo pùla,” teppù Jesus uya tok pàk.

Yeunossak kon Wotokoyi 10:44

Peter uselupa lùppù tùse, Wakù Akkwalù uttàppù tamù'nawolon kon itekale yetan nan pona.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.