Luke 3:1 - Patamuna New Testament Revised

^1-2 15 pe kilichimochi iwechippù màlà Tiberius Caesar wechi itepulu pe yattai, Pontius Pilate wechippù Judea po kopùna pe. Herod wechippù Galilee yepulu pe, molopai yakon Philip wechippù Itturea molopai Trachonitis yawolon kon pata yepulu pe. Molopai Lysanias wechippù Abilene yepulu pe, Annas molopai Caiaphas wechippù Eke ton paatele yamùk yepulu pe. Màlà yattai Katù Maimu uyàpùppù John, Zachariah mumu piyak, wontaik yau.

Luke 3:1 Iomraidhean Croise

Matthew 14:1

Màlà yattai Herod, pata yesak uya Jesus yekale yetappù.

Matthew 14:3

Màlà wapiya Herod uselupappù màlà John yachitoppe molopai yaulonpàttoppe, molopai patikichi tak itùtoppe. Sàlà kupùppù ya màlà Herodias takon Philip noppù wenai.

Matthew 14:6

Herod uya tùwentuppù weyu lùppù kupù yattai Herodias yema'nomù mananùppù màlà tukkan kon kappon yamùk yemloto po. Herod utauchinpasak wechippù màlà.

Matthew 22:17

Ina pàk uchi yekamakà, yà'là kasa ken mùttuyan? Caesar yemyak na' pata ye'ma wechi màlà ikasa, wapùla kane ka'lù?” tukaik.

Matthew 27:2

Jesus yaulomùppù tok uya màlà. Tok uya yalàppù molopai Pilate, kopùna pe tùwessen, yemyak tok uya itùlùppù màlà.

Mark 6:17

Herod uya tàmàlà pe kàyik yamùk yeunokoppù màlà John yachiik. Tok uya yaulonpàtùppù, molopai tok uya itùlùppù patikichi tak. Herod uya sàlà kupùppù màlà, Herodias pàkànsau. Herod uya màlà Herodias mali'mappù Philip, takon noppù pe là nen iwechi tùse.

Mark 6:21

Màlà yattai Herodias weyu woton uyàpùppù màlà. Herod wentuppù lùppù weyu pe iwechippù tùuta'letàtok kon pe tok uya ikonekappù tamù'nawolon kon eke ton nà itepulu yamùk, soicha yepulu yamùk, molopai Galilee pon kon yepulu yamùk pokonpe.

Luke 13:31

Màlà yattai Pharisee yamùk tonpa yamùk uyàpùppù màlà Jesus piyak. Molopai Jesus pàk, “Sàlà motapai itàkà tùulon yailà, masapùla Herod àwàpai man,” teppù tok uya.

Luke 2:1

Màlà yattai Ceasar Augustus uya tùmaimu yeunokoppù màlà tamù'nawolon kon uya tesek kon menuka toppe.

Luke 23:24

Màlàpàk Pilate uya, Jesus welittok yak itùlùppù, kappon yamùk uya yennasak pàk.

Luke 3:19

Tùse John uselupappù màlà Herod winàkàik, masapùla takon noppù Herodias mali'masak ya pàk, molopai nàlà tukke àli ton kussak ya pàk.

Luke 9:7

Herod, Galilee yepulu, uya tamù'nawolon tùwekkussan yetappù. Itaimelunpasak wechippù kulu sàlà pàk, masapùla kappon yamùk uya, “Enpataukanài John wennappokasak pàli'yau man,” tesak pàk.

Yeunossak kon Wotokoyi 23:26

“Iulà, Claudius Lysias, kaleta menukayan tùnamasen Kopùna Felix piyak. Wakù pe na' messan?

Yeunossak kon Wotokoyi 24:27

Asa'là kilichimochi tùpo, Porcius Festus uya Felix patassek yanùmùppù. Kopùna pe iwenappù. Felix wechippù tùwakùli kon pe Jew yamùk uya tùkupù iche. Màlàpàk Paul yempakkappù ya pen patikichi tapai.

Yeunossak kon Wotokoyi 26:30

Màlàyau Kin Agrippa, Kopùna molopai Bernice, molopai tamù'nawolon kon we'wuluukappù.

Yeunossak kon Wotokoyi 4:27

Ailon pe iwechippù Herod molopai Pontius Pilate tawonnan wessepoloppù sàlà pata yau, Jew yamùk pen molopai Israel yamùk pokonpe Jesus talumattàik, wakù kulu ayapyoto Christ ananùmùppù lùppù.