Luke 24:44 - Patamuna New Testament Revised

⁴⁴ Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Luke 24:44 Iomraidhean Croise

Matthew 1:22

Sàlà yamùk wekkupùppù màlà Katù uya màlà kasa iwechi màlà teppù tùmaimu yenpoikanài yai kasa.

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 26:54

Tùse màlà kasa iwessak yau, yà'là kasa ken uchi iwekkupù ailon pe Katù Maimu uya iwekkupù màlà teppù yawàlà?” teppù.

Matthew 26:56

Tùse tamù'nawàlà sàlà yamùk wekkussak sàlà, Katù Maimu yawon Imaimu yenpoikannan uya màlà kasa iwekkupù màlà teppù kasa,” teppù ya. Màlàyau tamù'nawàlà Jesus ya'lon kon uya inàmàppù, aitunpe tok wepeppù.

Mark 9:31

masapùla tùnenupa ton yenupa pàk iwechippù. “Kàyik Mumu tùlù màlà kappon yamùk yemyak. Tok uya iwànà màlà, tùse kan àsolùwau wei tùpo iwe'wuluuka màlà tà,” tukaik.

Luke 21:22

Masapùla sàlàichi màlà talumattàntok wekkuttok yattai tamù'nawàlà Katù Maimu yau iwe'menukasak lùppù.

Luke 22:37

“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya.

Luke 24:46

Molopai tok pàk, “Sàlàichi màlà imenukasak lùppù mùkkàlà Christ wettalumattà màlà molopai iwe'wuluuka tùwelikù tùpo icholùwano wei yattai, tawon.

Luke 9:22

“Kàyik Mumu wettalumattà màlà eke pe, molopai eke ton tùnamasan uya inulunpa màlà. paatele yamùk yepulu ton, molopai Law pàk enupannan uya inulunpa màlà. Iwànà màlà molopai iwe’wuluuka màlà icholùwano wei yattai,” teppù ya tok pàk.

Luke 9:44

“Yekama pàk wekkussai’nùk kùpputtàka'nùttàu! Kàyik Mumu tùlù màlà kappon yamùk meluntàlù yemyak,” tesak ya pàk.

John 3:14

Moses uya àkài kalukuli konekasak pùmùssakappù yei pàk, wontaik yau. Màlà kasa làma Kàyik Mumu pùmùsakka màlà pulusuk pona.

John 5:39

Wakù pe Katù Maimu pàk eusenupa kon, masapùla màlà winà là tàwàlàlà wema'nàtok yepolo auya'nokon yeselùkek ittu auya'nokon pàk. Molopai sàlà yamùk Katù Maimu uselupasak màlà upàk.

John 5:46

Moses pàk ailon tesak auya'nokon yau, upàk ailon tetok auya'nokon pan. Masapùla uyekale menukappù ya màlà.

Yeunossak kon Wotokoyi 13:40

Tùttuseichi ettàk kon, Katù Maimu yenpoikannan uya wa teppù lùppù wekkupù ewinàkàik nokon tukaik.

Yeunossak kon Wotokoyi 2:27

Masapùla uyakkwalù yenu'ma auya pen màlà iwelichak kon kùlottau, esukenan àponalok uya kàtantok ittutoppe ikupù auya pen màlà.

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.

Yeunossak kon Wotokoyi 7:37

Moses mùkkàlà kappon yamùk Israel pon kon pàk, ‘Katù uya màlà tùmaimu yenpoikanài yeunoko apyakù'nokon uyeunossak tùuya nai'nùk kasa, àtonpa kon kùlottapai,’ tawon nùppù.

Hebrews 10:1

Law màlà wakù ton nùyàssai'nannùk yakkwalùppù neken, tùse ikasa kulu pùla iwechi. Masapùla ikasa kulu ànù'là Katù yapulàse tùuyàssan konekanài pen màlà. Màlà yamùk iwàsak kon molopai ipottàsak kon kamo yamùk wechippù màlà, màlà lùppù pe tàwàlàlà kilichimochi kaichalà.

Hebrews 3:5

Molopai Moses wechippù màlà ailon pe apyoto pe Katù yùwùk tau tamù'nawàlà tùwettok yau. Ichelupappù màlà Katù uselupatok yenpoika pàk, ailon pe sàlà pe tùwekkupù woton yekama pàk.

Hebrews 7:1

Pùsàlà Melchizedek wechippù màlà Salem kinù pe molopai Katù, paateleyi. Abraham wennappo kin yamùk tùkka tùpo yepoloppù ya màlà, màlàyau ipùlemappù ya.

Hebrews 9:8

Wakù Akkwalù uya yenpoikappù sàlà winà wapiyalok Katù yùwùk wechi molo lùppù pàk, Wakù Kulu Patassek ye'ma wechi lùppù takkose.

1 Peter 1:11

Tok wechippù yà'là yattai iweyu wechi ittuiche molopai atta iyàpù ittuiche. Masapùla Wakù Akkwalù Christ winàpaino wechi tok yau uya sàlà yekamappù, wettalumattàntok Christ nùpàlika woton yekama tùuya'nokon yau, molopai yapulàtok ite'mappù pàk tùuyàssen.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.