Luke 24:41 - Patamuna New Testament Revised

⁴¹ Ailon te tok uya pùla lùppù là tùse tok utauchinpasak kulu wechippù màlà molopai tok usenumenkasak. Màlàpàk tok yekamappoppù ya, “Yà'làlà na' talà tùnassen molo nai apyau'nokon?” tukaik.

Luke 24:41 Iomraidhean Croise

Mark 16:11

Nulà iwechi yensak tùuya yekama ya tùse, ailon teppù tok uya pen.

Mark 16:13

Màlàyau mùkyamlo asa'lon kon uya tùwennapposak kon yau yekama tùse, tok uya ailon teppù pen.

Mark 16:14

Màlà tùpo 11 kaichalon kon tùnenupassan piyak ichenpoikappù tok uta'letà yattai. Tok yàulàmappù ya masapùla ailon tetok tok uya pùla iwessak pàk, molopai mùkyamlo nulà tùwechi yennàinan nùssan pàk ailon tesak tok uya pùla iwessak pàk.

Mark 8:7

Molok yamùk lùkkwà nàlà wechippù màlà tok piyau, tukke pùla. Màlà yamùk pùlemappù ya, tok uya làma ilinà yemyak itùpàttoppe.

Luke 24:11

Tùse yeunossak kon nùssan uya nossan yamùk usennaka pe yekamappù màlà, molopai ailon teppù tok uya pen tok pàk.

Luke 24:40

Temyatù molopai tùtta tawon yenpoikappù ya màlà tùuselupai'ma.

Luke 24:42

Tok uya molok pusak pilikasak ke ilepappù.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

John 21:5

Màlàyau tok pàk, “Utonpa yamùk, molok na' machitàu?” teppù ya. “Kane,” tukaik tok uya imaimu yeikuppù.

Yeunossak kon Wotokoyi 12:14

Peter maimu ittuppù ya màlàyau itauchinpasak kulu wechippù màlà, iwennapoppù màlà manatta takkokaik pùla, molopai Peter wechi polopo yekamappù ya tok pàk.