Luke 23:5 - Patamuna New Testament Revised

⁵ Tùse màlà yentak tok uya, “Enupantok tùuya ke wepanta'mantok samo'lùkayan kappon yamùk kùlottau! Tamù'nawàlà Judea yawàlà, iwepyattàppù màlà Galilee po, molopai nen uchi iyàssak man sàlà motak,” teppù.

Luke 23:5 Iomraidhean Croise

Matthew 11:1

Sàlà yamùk enupantok tùlù tùuya 12 pan kon ta'lon kon pàk yenuka'nùssak tùuya yau, Jesus uya màlà pata nàmàppù molopai itàppù kappon yamùk yenupase molopai itekale yekamase tok pata yamùk màlà yawolon kon nà yau.

Matthew 2:1

Jesus wentuppù màlà pata Bethlehem, Judea yawon po. Herod wechi kin pe yattai. Malalà tùpo kàyik yamùk pukkek ton uyàpùppù màlà, wei wepakkatok winàpai Jerusalem pona. Molopai tok uya kappon yamùk yekamappoppù.

Matthew 27:24

Yà'là woton pe pùla sàlà kupù pàk tùwechi yensak tùuya yau, tùse wepanta'mantok wessepolo pàk, tuna yepoloppù ya, molopai temyatù kukappù ya tukkan kon kappon yamùk yemloto po, molopai, “Pùsàlà kàyik tùlù uya weli'nàtok yak pùn. Sàlà nai'nùk ànkupù kon!” teppù ya.

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Mark 1:14

John yachi patikichi tak tùpo, Jesus utàppù màlà Galilee pona. Wakù Itekale yekamappù ya Katù winàpaino.

Luke 11:53

Jesus uya pata nànsak yau, Law pàk enupannan molopai Pharisee yamùk wessa'molùkappù italumattà pàk tukke yà'làlà pàk tok uya yekamappopàtùppù.

Luke 23:23

Tùse tùwentaimepàtù kon pàk tok wechippù eke pe, Jesus pukapàttoppe pulusuk pona. Màlàyau nen uchi tok wentaimepàttok uya Pilate yentaikappù.

Luke 23:6

Sàlà yetasak tùuya yau, Pilate uya, “Galilee pon ken na' pùsàlà kàyik?” tukaik tok yekamappoppù.

John 1:43

Màlà wemassak pe Galilee pona tùutà pàk Jesus wekkupùppù màlà. Philip yepoloppù ya. Molopai “Uya'là utànpai,” teppù ya ipàk.

John 19:15

Tok wentaimeppù, “Yakà! Yakà! Pulusuk pona ipukapàtta!” tukaik. “Iulà uyaichi ekinù kon pukapàtù?” tukaik Pilate uya tok yekamappoppù. Eke kulu paatele yamùk yepulu ton uya imaimu yeikuppù, “Caesar neken nen mùkkàlà ina kinù!” tukaik.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 7:41

Tùulon kon uya, “Christ nen mùkkàlà,” teppù. Tùse tùulon kon uya, “Yà'là kasa ken uchi Christ uyàpù Galilee yapai,” teppù.

John 7:52

Tok uya imaimu yeikuppù, “Àmàlà nàlà na' mùkkàlà Galilee poino? Katù Maimu yau mùwaik kulu molopai yene auya màlà Galilee yapai tùuyàpù woton Katù Maimu yenpoikanài tesak ya pùla iwechi,” tukaik.

Yeunossak kon Wotokoyi 10:37

Mùttuyatàik màlà iwekkussak lùppù tamù'nawàlà Judea yawàlà Galilee poi tùwepyattàik, usenpataukantok, John nekamappù ye'mappù tak.

Yeunossak kon Wotokoyi 23:10

Usàulàmantok wenappù màlà àsà pe. Molopai Eke Achin nan yepulu usenalipappù màlà Paul kalapàtù tok uya yeselùkek iwechi pàk. Màlàpàk soicha yamùk kupùppù ya tok utàtoppe tok kùlottak Paul yense molopai yatoppe tùuya'nokon soicha yamùk yùwuk tak.

Yeunossak kon Wotokoyi 5:33

Jew yamùk Yepulu ton uya yetasak yau, tok we'naikasak kulu wechippù màlàyau yeunossak kon àntùkkapai tok wechippù.

Yeunossak kon Wotokoyi 7:54

Iichelupa yetasak tùuya'nokon yau, Jew yamùk yepulu ton we'naikappù, molopai tùyà kon kàlàlài'mappù tok uya.

Yeunossak kon Wotokoyi 7:57

Tùwentaimei'ma'nokon tùpana kon yakkoloppù tok uya, molopai tewinanpa tamù'nawàlà tamùkke tok utàppù iwinàkàik.