Luke 23:41 - Patamuna New Testament Revised

⁴¹ Kùtalumattà nen sàlà ikasa, kùnkupùppù yepeppù yepolo nen sàlà nai'nùk. Tùse mùkkàlà uya yà'làlà iwalai pen nà kussak pùla man,” tukaik.

Luke 23:41 Iomraidhean Croise

Matthew 27:19

Pilate wechi chichiu pe ittutok patassek yau tùse, inoppù uya tùmaimu yeunossak wechippù màlà. “Yà'là là kukkupù pùsàlà àli pen kàyik winàkàik, masapùla we'neppà'nàtok yau wettalumattài kulu pùsàlà wenai sàlà pe,” tukaik.

Matthew 27:24

Yà'là woton pe pùla sàlà kupù pàk tùwechi yensak tùuya yau, tùse wepanta'mantok wessepolo pàk, tuna yepoloppù ya, molopai temyatù kukappù ya tukkan kon kappon yamùk yemloto po, molopai, “Pùsàlà kàyik tùlù uya weli'nàtok yak pùn. Sàlà nai'nùk ànkupù kon!” teppù ya.

Matthew 27:4

“Wemakuimasak man àli pen kàyik teimippose, iwelittoppe!” teppù ya. “Yà'là peichi ina wettoppe? Eneneichi màlà!” tukaik tok uya yeikuppù.

Matthew 27:54

Soicha yamùk yepulu, soicha yamùk pokonpe Jesus yelasu pe tùwessan uya tùlùpùnù molopai tamù'nawolon tùwekkussan yeneppù, tok wettalipasak wechippù màlà molopai, “Katù Mumu pe kulu iwechippù man!” teppù tok uya.

Luke 23:40

Tùse tùulon uya yàulàmappù, “Katù nama ken na' auya pùla nai? Talà we'nà'nokon man tamù'nawàlà weli'nàtok yau.

Luke 23:42

Molopai Jesus pàk, “Kùyittuik tàwà Jesus, Kin pe àuyàpù yau!” teppù ya.

1 Thessalonians 2:10

Amyamlo mùkyamlo ina yennài nan nùssan molopai Katù nàlà mùkkàlà ina yennài, ina yeselu molopai ina welaikatok wechi wakù pe esuken molopai ikasa, amyamlo ailon tawonnan winàkàik molopai yà'là là iwalai pen woton pùla nettai.

James 4:7

Katù yemyak uchi ettùtàk kon. Makui, inulunpatàk kon, molopai iwepe màlà ewinàpai'nokon.

1 Peter 1:19

àpùikattàppù kon kulu màlà Christ uya epekkek tùmùnù ikkwansak àponalok kon pe yau, imattakù pùn kalinilu mule wechippù kasa.

1 Peter 2:23

Tùmottùnpa yau, mottùnpan pe yeikuppù ya pen, tùwettalumattà yau, “Atalumattà kon uya,” te ya pùn, tùse enpen tùwettok tùlùppù ya Katù ikasa Ittunài winàkàik.