Luke 23:2 - Patamuna New Testament Revised

² Molo Jesus talumattà pe tok uselupappù, “Pùsàlà kàyik yepotai ina, ina tonpa yamùk yennaka ya. Caesar yemyak pùlayatta tùlù tok uya tukaik, molopai tùmàlà pe Christ pe nekkuttai, Kin pe,” teppù tok uya.

Luke 23:2 Iomraidhean Croise

Matthew 17:27

Tùse pùsamlo kappon yamùk we'naikatoppe ikupù iche pùla we'nà'nokon man. Màlàpàk tuna kak itàkà molopai konoik menu'maik tuna kak. Wapiya anmappù mùpàlàkaik, molopai intau pùlayatta pun yepolo auya màlà, Katù yùwùk ponaloppe pùlayatta ye'matok untùlù molopai àntùlù kaichalon. Malàik molopai tok me'maik,” teppù ya.

Matthew 22:21

“Caesar” tukaik tok uya yeikuppù. Màlàpàk Jesus uya, “Caesar yemyak iponalok itùtàk kon molopai Katù yemyak iponalok itùtàk,” teppù.

Matthew 27:11

Jesus wechippù màlà satippe kopùna yemloto po, mùkkàlà uya yekamappoppù. “Jew yamùk kinù na' àmàlà?” tukaik. Jesus uya yeikuppù, “Wa mùkayaik làkku,” tukaik.

Mark 12:17

Jesus uya tok pàk, “Pata yesak, Rome pon piyak ye'matàk màlà, pata yesak Rome pon ponalok, molopai Katù piyak ye'makà màlà Katù ponalok,” teppù. Màlàpàk tok usenumenkappù ipàk.

Mark 15:2

Màlàyau Pilate uya yekamappoppù, “Àmàlà na' mùkkàlà Jew yamùk Yesak?” tukaik. Màlàyau yeikuppù, “Wa mùkayaik làkku tà,” tukaik.

Luke 23:14

molopai tok pàk, “Pùsàlà kàyik nessak auya'nokon man upyak molopai kappon yamùk yennakayan mùkatàu. Sàlà pe tenpàssaik eyemloto kon po, tùse yà'là là àli pe iwettok yepolo uya pùla neppàssan iwinàkàik àli pe euselupappù kon nùppù.

Luke 23:5

Tùse màlà yentak tok uya, “Enupantok tùuya ke wepanta'mantok samo'lùkayan kappon yamùk kùlottau! Tamù'nawàlà Judea yawàlà, iwepyattàppù màlà Galilee po, molopai nen uchi iyàssak man sàlà motak,” teppù.

John 18:29

Màlàpàk Pilate wepakkappù tok piyak molopai, “Yà'là mùkayatàu ken àli pe pùsàlà kàyik winàkàik?” teppù ya.

John 18:30

Màlàyau tok uya ipàk, “Àli ku'nàippù pe pùla iwessak yau, ina uya sàlà apyak inepùppù pen eppaino,” teppù.

John 19:12

Màlà yetasak tùuya yau, Pilate wechippù ànnonkapai. Tùse Jew yamùk wentaimeppù, “Pùsàlà kàyik nonkasak auya yau, Caesar wechiyakon pe ewechi pen màlà. Ànù'là tùyiwalà kin pe tùwekkussen wechi màlà Caesar yeyaton pe!” tukaik.

Yeunossak kon Wotokoyi 24:13

Wapùla tùuselupatok kon uwinàkàik yenpoikatok tok uya ailon pe pùla iwechi màlà sàlà pe.

Yeunossak kon Wotokoyi 24:5

Pùsàlà kàyik ittusak ina uya man, àli sa'molùkanài pe. Utaimelunpantok sa'molùkasak ya màlà Jew yamùk kùlottau tamù'nawàlà wolù polo, molopai Nasalin yamùk tukaik tesassan yepulu mùkkàlà.

Romans 13:7

Tamù'nawàlà ewe'womatok kon me'matàik, pata ponaloppe te'masen pe iwechi yau màlà me'matàik, wapùla yàlàlà yepeppù pe iwechi yau, me'matàik, kappon tùnamaik we'nàtok pe là iwechi yau, kappon mùnamatàik, wapùla kappon yapulàtok pe là iwechi yau mapulàtàik.