Luke 22:52 - Patamuna New Testament Revised

⁵² Màlàyau Jesus uya eke ton paatele yamùk, Katù yùwùk yennài nan, molopai tùnamasan Katù yùwùk tawon kon iyàssak kon tachise pàk. “Àuyàpù kon ken na' uchi màlà uyense tùkasupalayi ke'ne, molopai taikek yesak pe'ne là, amak yense uyà'nà kasa là?

Luke 22:52 Iomraidhean Croise

Matthew 26:47

Tùuselupa pàk lùppù Jesus wechi tùse, Judas Iscariot, 12 pan kon ya'lon kon tonpa welepamùppù. Tukkan kon kappon yamùk wechippù ya'là, asa'lon yà kasupala molopai taikek tawon wechippù tok yemyau. Pùsamlo wechippù màlà eke ton paatele yamùk yepulu ton, molopai tùnamasan Jew yamùk neunokossan pe.

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Luke 22:37

“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya.

Luke 22:4

Màlàpàk Judas utàppù màlà, eke ton paatele yamùk molopai Katù yùwùk yennài nan pokonpe ichelupappù, yà'là kasa là Jesus tùlù tùuya tok yemyak pàk.

Luke 22:51

Tùse Jesus uya, “Eichilàman, tàwà walà nechii!” teppù. Kàyik pana yappàtùppù ya molopai ipittàppù ya.

Luke 22:53

Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

Yeunossak kon Wotokoyi 5:26

Màlàyau Katù yùwùk yelasu yamùk utàppù tepulu kon pokonpe. Molopai yeunossak kon mùnappoppù tok uya. Tok uya tok yeka'nonkappù pen, masapùla tok usenalippappù, kappon yamùk uya tùwànà kon tàk ke yeselùkek iwechi pàk.