Luke 22:5 - Patamuna New Testament Revised

⁵ Tok utauchinpappù kulu màlà, màlàyau ye'ma pàk tok wekkupùppù pùlayatta ke.

Luke 22:5 Iomraidhean Croise

Luke 22:4

Màlàpàk Judas utàppù màlà, eke ton paatele yamùk molopai Katù yùwùk yennài nan pokonpe ichelupappù, yà'là kasa là Jesus tùlù tùuya tok yemyak pàk.

Luke 22:6

Judas uya, ‘ Ewaik,’ teppù, màlà pùlayatta yekkwatù tùuya pàk molopai iwessa'molùkappù Jesus yeimippotok tùuya yattai woton ittuiche tok yemyak itùtoppe tùuya kappon yamùk uya ittu pùla.

Yeunossak kon Wotokoyi 1:18

(Umà ye'mappù Judas uya pùlayatta tùnepoloppù àli pe tùwettok winà ke. Màlà umà yau iwepukappù ipla, ilotta wettoikwappù molopai tamù'nawàlà iwek wettùlùkkwappù.

Yeunossak kon Wotokoyi 8:20

Tùse Peter uya imaimu yeikuppù, “Tàwà àpùlayattayi nùmattai àpokonpe, masapùla Katù uya lepantok ye'ma auya pùlayatta ke pe yekamasak auya pàk!

2 Peter 2:15

Tok uya tossalon asanta nànsak màlà molopai tok utassak; tok uya asanta Balaam, Beor mumu, nanùmùppù lùppù yanùnsak màlà. Pùlayata iwakùli mùkkàlà àli kupù tùuya winà inepolo,

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.