Luke 22:34 - Patamuna New Testament Revised

³⁴ “Yekama uya àpàk, Peter, kalicho tàwù pen màlà sàlà pe, ‘Ittu uya pùla man,’ te auya àsolùwau itekkwa ponalà,” teppù Jesus uya.

Luke 22:34 Iomraidhean Croise

Matthew 26:34

Jesus uya,“Ailon kulu sàlà, sàlà yewalupàyi tau Kalicho tàwù wapiya, ‘Ittunài pen Iulà,’ te auya màlà àsolùwau itekkwa,” teppù Peter pàk.

Matthew 26:74

Màlàyau Peter uya, “Ailon pe kulu tekamayaik. Tàwà làichi Katù utalumattài ailon pe pùla uselupa yau! Pùsàlà kàyik ittunài pen Iulà!” teppù. Màlà yattai nen uchi kalicho tàwùppù màlà.

Mark 14:30

Màlàyau Jesus uya Peter pàk, “Ailon kulu sàlà, sàlà yewalupàyi tau asak itekkwa kalicho tàwù wapiya, àsolùwau itekkwa, ‘Unùttu pen mùkkàlà,’ te auya màlà upàk,” teppù.

Luke 22:33

Peter uya yeikuppù, “Uyepulu, wekonekasak man, patikichi tak utàtoppe aya'là molopai welittok pe àpokonpe!” tukaik.

Luke 22:35

Màlàyau Jesus uya ta'lon kon yekamappoppù, “Eyeunossak kon uya yau na' pùlayatta yen pùla, paiki pùla wapùla sappattu pùla yau, yà'là là iche mettantàu?” tukaik. “Kane, yà'là là iche ina wechi pùn,” tukaik tok uya yeikuppù.

Luke 22:61

Itepulu welattàppù molopai Peter yeneppù ya iponalà, màlà yau Peter uya Itepulu maimuppù ittuppù, “Sàlà pe ewalupàttau kalicho tàwù wapiya, ‘Unùttu pen mùkkàlà,’ te auya màlà àsolùwau itekkwa,” tawon.

John 13:38

Jesus uya imaimu yeikuppù, “Ewemattok tùlù kulu na' auya uponalok pe? Ailon kulu sàlà, kalicho tàwù wapiya màlà, ‘Unùttu pen mùkkàlà,’ te auya àsolùwau itekkwa,” tukaik.

John 18:27

Peter uya tu'ma yeikuppù, “Kane,” tukaik. Molopai màlà yattai kalicho tàwùppù.