Luke 21:34 - Patamuna New Testament Revised

³⁴ “Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Luke 21:34 Iomraidhean Croise

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Mark 13:9

“Tùse amyamlo enpen ettàk kon, ayachi kon màlà. Molopai eyippoppàtù kon màlà kappon yamùk wepilittok motau. Kappon yamùk yesak yamùk yemloto pona asalattà kon màlà upàkànsau, molopai kin yamùk yemloto pona tok pàk Wakù Itekale yekama kon pa.

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

Luke 10:41

Itepulu uya yeikuppù, “Martha, Martha, mataimelunpayaik molopai mesenumenkayaik eke pe tukkan pàk.

Luke 12:40

Molopai amyamlo nàlà, tùwekonekaik ettàk kon, masapùla Katù Mumu uyàpù màlà, yà'là yekkwa yattai là ittu auya'nokon pùla” teppù Jesus uya.

Luke 17:3

Màlàpàk esentàk kon! “Àtonpa kon wemakuima yau, mekamappotàik, molopai tùmakuyi winàpai iwelattà yau, mesentuppatàik ipàk.

Luke 21:35

Iyàpù màlà tamù'nawolon kon kappon yamùk sàlà non pon kon pona.

Luke 21:8

Jesus uya wateppù, “Enpen ettàk kon eyennaka kon kùsettak! Masapùla tukkan kon uyàpù màlà uyesek yau, ‘Iulàichi mùkkàlà Christ!’ molopai, ‘Pata weyu uyàssak uchi man!’ tei'ma. Tùse tok ya'là kùtàtàu.

Luke 8:14

Tùpànsen iwepukasak lùppù àmà’nàttak uya yekama nai'nùk, mùkyamlo Katù Maimu yetan nan. Tùse te'ma kon tawàlà tok utà yau wema'nàtok pàk utaimelunpantok, temamin ke we'nàtok, molopai sàlà motawon pàk utauchinpantok màlà yeulankanài. Tok wepeta pen.

1 Corinthians 5:11

Tùse làkku Kappon, àtonpa kon ailon tawon pe tùusesassen echii'ma àli ku'nài tesak ke, wapùla tùuseka'nonkasen, wapùla ailon pen katù yemloto po tùwepeimasen, wapùla àli pe tùulon winàkàik tùuselupasen, wapùla tùwetùnsen, wapùla amappe tùwessen pokonpe kettàu te uya nen màlà. Mùkkàlà yekkwa là pokonpe kata'lettàtàu.

1 Corinthians 6:10

wapùla amak pe tùwessan, wapùla tùuseka'nonkasan, wapulà tùwetùnsan, wapùla tùulon kon pàk tùuselupasan àli pe, wapùla lapumannan uya Katù wettok itepulu pe yepolo pen màlà.

Galatians 5:20

ikonekasak katù yemloto po wepeimantok, molopai meluntà àli akkwalù winàpai yeposak yapulàtok, tùulon kon yewanma'làtok, wakù pe tonpa pokonpe we'nà pùla we'nàtok, kùlùmàppe we'nàtok, we'naikantok, molopai amleppe we'nàtok. Tùusàulàmaik we'nàtok, iwepantapàssak pe'ne,

Philippians 4:6

Tùutaimelunpaik kettàu yà'làlà pàk, tùse àwàpùlematok kon yau. Katù yekamappotàk kon, iche kulu ewettok kon yennatàk ipàk, tenki tetok itewan pe tàwàlà.

Hebrews 12:15

Elannek peichi ettàk kon wakù pe Katù wettok winàpai ànù'là wennappo tukaik. Elannek pe ettàk kon wanittàpan wotton molopai tukkan kon yoi'ma woton maippanài watta tukaik.

2 Peter 3:10

Tùse Itepulu Katù Weyu uyàpù màlà amak uyàpù kasa. Màlà wei yattai kak waliwomù màlà wala'napi wettoikkwa kasa, kak yawon kon uyatù màlà, molopai màlà yamùk umatta màlà, molopai non waliwomù màlà tamù'nawolon tawon kon pokonpe.

2 Peter 3:14

Màlàpàk uchi, utonpa yamùk, màlà wei màmukui'ma'nokon, ànùttu kon ikuttàk kon esuken molopai àli pe pùla ewechi kon pa Katù yenu yau, molopai echitonpa pe ewechi kon pa ipokonpe.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.