Luke 2:14 - Patamuna New Testament Revised

¹⁴ “Katù epùn pon, yapulà pai! Molopai kappon yamùk uyauchinpan nan non pon kon ponaloppe wàlàkka'nàtok nechii!” tukaik.

Luke 2:14 Iomraidhean Croise

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Luke 1:79

Molopai ilenpamù màlà ewalupàttau tùwemassan pona molopai weli'nàtok yewalupàyi yawon kon pona. Kùtta yanài pe wakù pe echitonpa pe we'nàtok yeselu yawà,” tukaik.

Luke 19:38

“Ipùlemasak mùkkàlà kin Itepulu yesek yau tùuyàssen! Wàlàkka'nàtok Epùn pon molopai Katù yapulàtok!” tukaik.

Luke 2:13

Asse'ne tewinanpa tukkan kon inchelù yamùk usenpoikappù màlà pùsàlà inchelù piyak tùuselenpai'ma'nokon Katù yapulà pe.

Luke 2:15

Inchelù yamùk wennapoppù epùn pona patappù yau, kalinilu yamùk mainanpan nan uya, “Utànpai'nokon Bethlehem pona, sàlà iwekkussak lùppù Itepulu nekamapàssai'nùk yense,” teppù.

Luke 3:22

Molopai Wakù Akkwalù uttàppù ipona wakokkwa kasa, molopai mayin uyàpùppù epùn poi, “Àmàlà mùkkàlà Umu kulu. Uyewan yailon Uyauchinpanài,” tukaik.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

John 17:4

Ayapulàtok nessak uya man non po, uwotokoyi ulepappù auya ike lùppù yenu'kanùpù uya winà.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Romans 5:1

Ailon tetok kùuya'nokon uya ikasa kùkonekasak kon Katù pokonpe pàk nen uchi, echitonpa pe we'nàtok Katù pokonpe yesappe we'nà'nokon sàlà kùyepulu Jesus Christ yai.

Ephesians 1:6

Katù yapulàpai'nokon uchi man wakù kulu usentuppantok Katù winàpaino tenumenkaik, Tùmu tù'nùn pe tùnkupù ke lepantok ya tense!

Ephesians 2:4

Tùse Katù usentupatok màlà eke kulu, molopai kù'nùnmatok kon ya eke kulu.

Ephesians 2:7

Sàlà kupùpù Katù uya màlà ewanawolok yattai eke kulu wakù pe tùwettok, pùnùnmantok tùuya yau tùnekamappù kùpàkù'nokon Christ Jesus yau yekama toppe tùuya.

Philippians 2:11

Molopai tamù'nawolon kon uya ayupo yekama màlà Jesus Christ wechi Itepulu pe, Katù Kùkàipùnù yapulàtoppe.

Philippians 2:13

Masapùla Katù mùkkàlà tùwe'wotokomasen ayau'nokon tàwàlà, alikyeppe molopai meluntà pe amatok kon pe tùuya, teselu yawàlà ewechi kon pa.

Colossians 1:20

Tùmu yai nen uchi, Katù uya tamù'nawolon yà'làlà nepù tùuya tùpyak pàk, echitonpa pe we'nàtok konekappù màlà Tùmu welikù pulusuk po winà. Molopai màlà kasa nen uchi tamù'nawolon yà'làlà nepùppù ya imùnù yai tùpyak, asakklàma non po molopai epùn po nàlà.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

Revelation 5:13

Molopai tamù'nawolon kon epùn pon kon, non pon kon, non yo'non kon, tamù'nawolon palau pon kon. Tamù'nawàlà nulànan kon uselenpa yetappù uya, “Tàwà mùkkàlà chichiu pe tùwessen aponnok po molopai Kalinilu Mule piyak apulàntok, namantok, molopai meluntà pe we'nàtok nechii, tàwàlàlà molopai tàwàlalà!” tukaik.