Luke 16:8 - Patamuna New Testament Revised

⁸ “Ailon pen pùlayatta mainanpanài yepulu uya yapulàppù màlà ittunài pe iwessak pàk. Kappon yamùk sàlà non pon kon mùkyamlo ikasa pe tukaik tùwotokoyi kon ku'nài nan, akkwa yawon kon kappon yamùk yentai,” teppù Jesus uya.

Luke 16:8 Iomraidhean Croise

Matthew 12:32

Ànù'là Kàyik Mumu winàkàik tùuselupasen pàk usentuppan màlà. Tùse ànù'là Wakù Akkwalù winàkàik tùuselupasen pàk usentuppan pen màlà, sàlà pe wapùla tàwàlà là,” teppù Jesus uya.

Matthew 17:26

“Tùulon kon,” tukaik Peter uya yeikuppù. “Màlàpàk na' tok mumu yamùk uya ye'ma pen màlà.

Luke 16:10

Ànù'là ailon pe tùwessen malalon yau, wechi màlà ailon pe eke ton yau. Ànù'là ailon pe pùla tùwessen malalon yau wechi màlà ailon pe pùla eke ton yau.

Luke 16:4

Tùttupàssaik unkupù woton! Uwotokoyi pùla iwechi yau, tùwechi yakon non ke wechi màlà molopai tok uya uyewonùppù tùwùk kon tak,’ teppù ya.

Luke 16:7

“Tùulon pàk, ‘Àmàlà nen, yà'là kaichalà ye'mappù auya pùla nai?’ teppù ya. ‘1000 pe iten àlichi walai,’ teppù mùkkàlà uya. “‘Sàlà yenkà ye'mappù auya pùla teppù itepulu uya ipàk, 800 pe imenukakà,’ teppù ya.

Luke 18:6

Molopai Itepulu uya, “Ailon pen ittunài uya wa teppù yetatàk kon.

Luke 20:34

Jesus uya tok yeikuppù, “Kàyik yamùk molopai nossan yamùk sàlà yattai nai'nan nùk mùkyamlo tùwemali'masan, tùse kàyik yamùk, molopai nossan yamùk tùwuluukasan yek pe nai'nan nùk weli'nàtok yapai, pata weyu nùyàssai'nùk yattai, tùwemali'masan pen mùkyamlo.

John 12:36

Ailon tukaik ettàk kon akkwa pàk itesak pe ewechi kon kùlottau molopai akkwa munkà pe ewena kon màlà,” tukaik. Tùuselupakapù tùpo Jesus utàppù molopai tok winàpai iicho'namùppù.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Philippians 3:19

Tok utà màlà mattantok yak. Masapùla eke pe ata'lettàpai tok wettok màlà tok katùyi. Tùwekuli'matok kon yek làkku pàk tùutapulàsan mùkyamlo. Molopai sàlà non pon neken yà'là yamùk là, pàk tùusenumenkasan.

1 Thessalonians 5:5

Tamù'nawolon kon amyamlo mùkyamlo kappon yamùk akkwa yawon kon, wei yakkwayi yawon kon. Ewalupà ponalok kon pen kùmyamlo.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 John 3:10

Sàlà màlà tùpatalà kulu Katù munkà yamùk molopai Makui munkà yamùk wechi yekamanài: ikasa pùla tùwessan wapùla tùtonpa pùnùnman nan pen wechi màlà Katù munkà pe pùla.