Luke 16:22 - Patamuna New Testament Revised

²² “Italumayippù kàyik welikùppù màlà molopai inchelù yamùk uya yalàppù Abraham piyak, uta'lettàntok Epùn pon yak. Mamin yesak welikùppù nàlà màlà molopai iwu'nattàppù.

Luke 16:22 Iomraidhean Croise

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Matthew 8:11

Sàlà mùttutàik! Tukkan kon uyàpù màlà wei wepakkatok winàpai molopai wei wewontok winàpai molopai Itepulu pe we'nàtok epùn po yau tok weleuta màlà ata'lettàsse Abraham, Isaac, molopai Jacob tawonnan pokonpe.

Mark 8:36

Yà'là ken yepolo kappon uya tamù'nawà wolù yawon kon yeposak tuùya tùse tùwemattok yenu'masak tùuya yau? Ippla!

Luke 12:20

Tùse Katù uya ipàk, ‘Pakko àmàlà! Sàlà yewalupàyi tau ayakkwalù uya ànàmà màlà. Màlàyau ànùk uya ken sàlà yamùk ànkupùppù àponalok pe yanùmù?’ teppù.

Luke 16:21

Enpen iwechippù kùyali punuppù mamin yesak yeipa yapon poi tùwessolokasen napù tùuya pàk. A'a yamùk lànen uchi uyàpùppù màlà ichukkwetù yamikkase.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 13:23

Tewinan nà Jesus nenupa ton tonpa tù'nùn pe kulu inkupù wechippù màlà mei pùla kulu ipyau.

John 21:20

Tùse Peter welattappù molopai Jesus nenupappù tù'nùn pe inkupùppù uya tùwenaima kon yeneppù ya. Pùsàlà wechippù màlà mei pùla Jesus piyau echippù uta'lettàntok yapon motau, “Uyepulu, ànùk uya ken eyeimippo?” tukaik Jesus yekamapponàippù pe.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

James 1:11

Wei tùwepakkasen molopai tùwa'mintasen a'neppe molopai tùwattasen yaipùtanù'nài; itùpùlù tùwessolokasen molopai wakù pe iwettok tùumattasen. Màlà kasa làma temamin kenan kappon umatta màlà tùusemaminnùttà pe yekama ya tùse.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

Revelation 14:13

Màlàyau mayin yetappù uya epùn poi, “Sàlà imenukakà, Tùutauchinpasan mùkyamlo sàlà motapai tùwelichan Itepulu Katù wotokoyi yau,” te ya. “Ewaik kulu nen,” nùkayan Wakù Akkwalù. “Wàlàkka'nàtok yepolo tok uya màlà sa'man pe tùwe'wotokomatok kon winàpaino, masapùla tùwe'wotokomatok kon yepeppù yalà tok uya màlà ta'là'nokon.”