Luke 16:2 - Patamuna New Testament Revised

² Ikà'mappù mamin yesak uya. Molopai ipàk, ‘Yà'là yekkwa sàlà tetayaik nùk àpàk? Tamù'nawàlà uyemamin mainanpa auya kaletayi itùkà upyak. Sàlà yentak uyemamin mainanpanài pe ewettu'ma pen màlà,’ teppù ya.

Luke 16:2 Iomraidhean Croise

Matthew 12:36

“Molopai sàlà tekamayaik àpàkù'nokon. Ittuntok Weyu yattai tamù'nawolon kon uya màlà àli pe tùttuse pùla tùuselupappù kon yekama.

Matthew 20:8

“Pata uko'mansak yau, umà yesak uya tùwe'wotokomasan yennài pàk, ‘Tùwe'wotokomasan ikà'makà molopai tok ye'makà, àkàmlà'nokon nùssan winàpai tùpyattàse molopai wapiyalok kon nùssan motak iwenukattoppe,’ teppù.

Luke 12:20

Tùse Katù uya ipàk, ‘Pakko àmàlà! Sàlà yewalupàyi tau ayakkwalù uya ànàmà màlà. Màlàyau ànùk uya ken sàlà yamùk ànkupùppù àponalok pe yanùmù?’ teppù.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

Luke 16:1

Jesus uya ta'lon kon pàk, “Mamin yesak kàyik wechippù màlà molo tùpùlayattayi mainanpanài kenan. Molopai màlà ipùlayattayi mainanpanài uya imainanpa pùla iwechi yekamappù ipàk.

Luke 16:3

‘Uyepulu wekkussak uwotokoyi yapai unonka pàk man te.’ Teppù ya tùyiwalà, ‘ Yà'là kupù uya là sa' uchi ko? Meluntà pe pùla tàwà wechi non yaka toppe uya, molopai wekkuli'mayaik enkui pe eppai pùla lù,’ teppù ya.

Romans 14:12

Màlàpàk uchi tamù'nawolon kon kùmyamlo uya tewinpàk echipàkàlà kùnkupùppù kon yekama màlà Katù pàk.

1 Corinthians 1:11

Utonpa yamùk, Chloe tonpa yamùk uya yekamasak man upàk, usàulàmantok wechi molo àkklottau'nokon.

1 Corinthians 4:2

Màlàpàk mùkyamlo iwotokoyittàsak kon wechi màlà ailon pe tok wechi tùttusan pe.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

1 Timothy 4:14

Wakù Akkwalù uya lepantok ayau nai'nùk tapulàse pùla kùkkupùi, elepappù lùppù ike Katù Maimu yenpoikannan uselupappù ipàk lùppù molopai sochi yennàinan temyatù tùtai àpona.

1 Timothy 5:24

Tùulon kon kappon yamùk makuyi màlà tùusensen, molopai tok makuyi utà màlà tok wapiya ittuntok patassek yak, tùse tùulon kon makuyi usene màlà imasa iwa.

1 Peter 4:10

Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.

1 Peter 4:5

Tùse tok uya yeitok tùuya'nokon tùlù màlà Katù piyak, iwekonekasak nai'nùk nulà nan kon molopai iwelichak kon ittutoppe tùuya.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.