Luke 16:16 - Patamuna New Testament Revised

¹⁶ “ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

Luke 16:16 Iomraidhean Croise

Matthew 10:7

Àutà kon pe, ‘Itepulu pe we'nàtok epùn po wechi mei pùla, mekamatàik” teppù Jesus uya.

Matthew 15:11

Màlà kappon mùtak tùutàsen màlà àli pe iku'nài pen. Tùse làkku, màlà intapai nepakkayai'nùk màlà àli pe iku'nài,” teppù ya.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Matthew 3:2

“Amakuyi kon winàpai elattàtàk kon masapùla itepulu pe we'nàtok epùn po mei pùla man!” tukaik.

Matthew 4:17

Màlà motapai Jesus wepyattàppù itekale yekama pàk, “Amakuyi kon winàpai elattàtàk kon, itepulu pe we'nàtok epùn po mei pùla man!” tukaik. {ISA 9.1,2}

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Mark 1:14

John yachi patikichi tak tùpo, Jesus utàppù màlà Galilee pona. Wakù Itekale yekamappù ya Katù winàpaino.

Mark 1:45

Tùse kàyik uselupappù ipàk tùutà pe eke pe kulu. Ichelupappù kulu màlà Jesus utà pata yak tene tùse yeselùkek pùla. Tùse tùkenan pata yawàlà neken nen uchi iichalàppù. Molopai kappon yamùk uyàpùppù ipyak tamù'nawà màlà yawolon pata yamùk yapai.

Luke 10:9

E'nek ton mipittàtàik màlà pata yau. Molopai kappon yamùk pàk, ‘Itepulu pe Katù wettok uyàssak man mei pùla kulu apyakù'nokon,’ mùkatàik.

Luke 16:29

“Abraham uya, ‘Àlunan Moses kaletayi yesappe man molopai Katù Maimu yenpoikannan tu'ma molo man tok panamannan pe. Tàwàichi mùkyamlo uya telupa kon yetai tok,’ teppù.

Luke 16:31

“ Tùse Abraham uya, ‘Moses molopai Katù Maimu yenpoikannan yeta tùuya'nokon pùla iwechi yau, ànù'là we'wuluukasak lànen tùwelikù tùpo tùse, tùmakuyi kon winàpai tok welattà pen màlà,’ teppù ipàk,” teppù Jesus uya tok pàk.

Luke 9:2

Màlàyau tok yeunokoppù ya Itepulu pe Katù wettok yekamase molopai e'nek ton ipittàse.

John 1:45

Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 11:48

Sàlà yamùk kupù ya tùse we'nà'nokon yau, tamù'nawolon kon uya màlà ailon te ipàk, molopai nen uchi Roman yamùk uyàpù màlà Katù yùwùk kùponalok kon molopai kùpata kon mokaik!” teppù.

John 12:19

Pharisee yamùk uya tùtonpa kon pàk, “Masa yenkà, ikupù'nokon pe pùla kulu man, Masa yentàk kon! Tamù'nawàlà wolù yawon kon utàkassak ya'là!” teppù.

John 5:4

Masapùla tùulon yattai'ne là Itepulu inchelùyi uttàpàtùppù màlà tunappai kak tuna laikapàsse. Mùkkàlà wapiya ilaikasak tùpo ikak iitàsak lùppù uchipittàppù màlà i'nai yekkwa pe là iwechi tepalan yapai.]

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.