Luke 15:2 - Patamuna New Testament Revised

² Pharisee yamùk molopai Law pàk enupannan tawonnan wessa'molùkappù màlà tùusàulàma kon pàk, “Pùsàlà mùkkàlà kàyik àli ku'nài nan yanùnnài molopai tùuta'lettàsen tok pokonpe!” tukaik.

Luke 15:2 Iomraidhean Croise

Matthew 11:19

Kàyik Mumu uyàpùppù, molopai iita'lettàppù molopai tinchisen inchippù ya, màlàyau tamù'nawolon kon uya, ‘Eke pe tùuta'lettàsen mùkkàlà molopai tùwetùnsen, pùlayatta pili'nàinan molopai àli ku'nàinan wechi yakon,’ teppù. Pukkeppe we'nàtok màlà tùusensen ailon pe inkupù winà,” teppù Jesus uya.

Matthew 9:11

Pharisee yamùk tonpa yamùk uya sàlà yeneppù màlà, molopai Jesus ya'lon kon yekamappoppù tok uya, “Ya'là peichi iwechi pàk eyenupanài'nokon uta'lettà màlà pùlayatta pili'nài nan molopai àli ku'nài nan pokonpe?” tukaik.

Luke 15:3

Màlàpàk Jesus uya sàlà panton yekamappù màlà tok pàk.

Luke 19:7

Yennài nan nùssan kappon yamùk wessa'molùkappù tùusàulàma kon pàk, “Pùsàlà kàyik utàsa'man àli ku'nài yùwùk tak ikaklamu pe,” tukaik.

Luke 5:30

Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

Luke 7:34

Kàyik Mumu uyàpùppù, molopai itta'lettàppù molopai tùwuku inchippù ya, màlàpàk ‘Eke pe tùuta'lettàsen mùkkàlà molopai ipla tùwetùnsen, pùlayatta pili'nài nan wechi yakon molopai àli ku'nài nan wechi yakon,’ teppù auya'nokon.

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

Yeunossak kon Wotokoyi 11:3

“Jew yamùk yeselu yawà yattàsak pen, Jew pen kaklamu pe mettai molopai nàlà mata'lettàtai tok pokonpe!” tukaik.

Galatians 2:12

Kàyik yamùk uyàpù James piyapai wapiya, Peter wechippù tùuta'lettàsen pe Jew yamùk pen pokonpe. Tùse tok welepansak yau, iitamappù tok winàpai molopai Jew yamùk pen pokonpe pùla iwechippù, masapùla ichenalippappù màlà Jew yamùk pen anattàpai tùwessan pàk.

1 Timothy 1:15

Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.