Luke 15:13 - Patamuna New Testament Revised

¹³ Tukke kulu wei tùpo pùla imu yakon uya tamù'nawàlà tùponalok pilipùppù molopai iitàppù meyon pata yak, molo tùpùlayattayi yu'makappù ya àli pe tùwemattok yau.

Luke 15:13 Iomraidhean Croise

Luke 15:12

Imu yakon uya tùkàipùnù pàk, ‘Ukàipùnù, uponalok uchi mamin ke kùlepakà,’ teppù. Màlàpàk tok kàipùnù uya mamin pantakappù tok yemyak.

Luke 15:14

Tamù'nawàlà itesak pe tùwettok yu'makappù ya tùse eke pe iwan wechippù màlà pata yawàlà, molopai iwà'nànsak wechippù màlà yà'làlà pùla.

Luke 15:30

‘Tùse pùsàlà àmu uya eyemamin mattanùpùppù man kàyik yamùk yemyak tùwechilanmasan nossan yamùk pona, molopai lù'nen uchi iwennapposak yau, kaiwan kulu paka mule wàsak auya iponalok pe!’ teppù ya.

Luke 16:1

Jesus uya ta'lon kon pàk, “Mamin yesak kàyik wechippù màlà molo tùpùlayattayi mainanpanài kenan. Molopai màlà ipùlayattayi mainanpanài uya imainanpa pùla iwechi yekamappù ipàk.

Luke 16:19

“Molo iwechippù mamin yesak kàyik tùwepontàsen linen molopai epekkek pon yak, molopai wakù pe kulu tùwemassen wei kaichalà.

Ephesians 2:13

Tùse sàlà pe, Christ tonpa pe ewechi kon màlà, amyamlo mei iwessak kon nùssan nessak man mei pùla Christ Jesus mùnù winà.

Ephesians 2:17

Màlàpàk Christ uyàpùppù màlà. Wakù Itekale echitonpa pe we'nàtok yekamaik tamù'nawolon kon pàk. Amyamlo Jew yamùk pen Katù winàpai mei iwessak kon pàk, molopai Jew yamùk mei pùla tùpàk iwessak kon pàk.

2 Peter 2:13

talumattàntok ke tok ye'ma màlà talumattàntok tok nùkupùppù wenai. Tok pona utauchinpantok màlà yà'làlà kuttok tok uya ayupo weinai tùke'nokon iche tùwettok kon; kuli'mannan mùkyamlo auta'lettàtok kon pùkkù pe tùwechii'ma'nokon, masapùla ennakantok tùuya'nokon yeselu wechi tùwakùli kon pe pàk!