Luke 12:57 - Patamuna New Testament Revised

⁵⁷ “Yà'là pe ken uchi iwechi pàk eyiwalà' nokon iwalai ittuiche ewechi kon pen màlà?

Luke 12:57 Iomraidhean Croise

Matthew 21:21

Jesus uya tok yeikuppù “Ailon kulu sàlà, ailon te auya'nokon, kasei tukaik pùla yau, tùkuppàssai'nùk sàlà fig yek pàk kupù auya'nokon màlà, sàlà neken pen. Sàlà wùk pàk nàlà lànen, ‘E'wuluukakà molopai epukakà palau kak,’ te auya'nokon, molopai iwekkupù màlà.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Luke 21:30

Yale yamùk usenpoika yau, wei wenna winàkàik iwechi pe ittun nan amyamlo.

John 7:24

Kappon pàk àli pe suwa messaik kùkai iichensak pàk neken, tùse ailon pe ittutàk kon, ” teppù Jesus uya.

Yeunossak kon Wotokoyi 2:40

Peter uya tok yelupappù tukke tok yeka'nonka pe, “Epùikattàtàk kon, sàlà wettalumattàntok nùyàsai'nùk pùsamlo àli ton kappon yamùk sàlà yattai nai'nannùk pona winàpài!”

1 Corinthians 11:13

Ittutàk kon uchi eyiwalà'nokon. Ikasa na' iwechi màlà nossan wàpùlema Katù pàk ippai wapu pùla echiima yau?

1 Corinthians 11:14

Wema'nàtok yau ku kuli'mak walawok wechi tùnsek ke tùwessen tà.