Luke 12:11 - Patamuna New Testament Revised

¹¹ “Tok uya enessak kon eyittuse'nokon wepili'nàtok itak tak, wapùla eke pata yesak yemlotopona, wapùla epotolù yamùk yemlotopona yau, kataimelunpatàu atta là ewenai'nokon ewechi kon pàk, wapùla yà'là te là auya'nokon pàk.

Luke 12:11 Iomraidhean Croise

Matthew 23:34

Màlàpàk uchi Katù Maimu yenpoikannan teunossaik, molopai pukkek ton, molopai enupannan. Tok tonpa yamùk wànà auya'nokon màlà, tùulon kon pukapàtù auya'nokon pulusuk pona. tùulon kon ippoppàtù auya'nokon màlà ewepilittok kon itak tau, molopai tok yenpe auya'nokon màlà pata yapai tùulon pata yamùk yawàlà'ne.

Matthew 6:25

“Sàlà kasaichi iwechi pàk tekamayaik àpàkù'nokon, ewemattok kon pàk kataimelunpatàu. Yà'là napù uya sa' uchi ko wapùla yà'là inchi uya, wapùla yà'là yau wechi kùkatàu. Wema'nàtok ken na' màlà kùyali yentaino pen? Molopai esak ken na' màlà pon yentaino pen?

Matthew 6:27

Ànùk ken àkklottau'nokon nai'nùk usemokka kusan peiwa, màlà pàk tùutaimelunpa winà?

Matthew 6:28

“Molopai yà'là pe ken iwechi pàk utaimelunpan pon pàk? Masa yuk yùpùlù yamùk yentàk kon. Tùwe'wotokomasan pen, wapùla tùpon kon konekannan pen.

Matthew 6:31

Màlàpàk uchi kataimelunpatàu, Yà'là napù uya sa' uchi ko, wapùla yà'là inchi uya, wapùla yà'là yau là wechi?’ tukaik.

Matthew 6:34

Màlàpak uchi kataimelunpatàu ewanawolok pàk. Masapùla tùyiwalà utaimelunpantok ipàk yesappe iwechi màlà. Màlàpàk wei kaichalà utaimelunpantok wechi màlà molo,” teppù nàlà Jesus uya.

Luke 12:22

Màlàyau Jesus uya ta'lon kon pàk, “Sàlà kasaichi iwechi pàk tekamayaik àpàkù'nokon, Kataimelunpatàu ewemattok kon pàk, yà'là là napù auya'nokon pàk, wapùla eyesak kon pàk, àpon kon iche ewettok kon pàk.