Luke 11:26 - Patamuna New Testament Revised

²⁶ Iità tu'ma màlà molopai 7 pan kon àli akkwalù yamùk nepù ya ta'là, àli ton kulu nen uchi tentaino kon. Tok uyàpù màlà molo emasse. Wa iwessak yau kappon wechi màlà àli pe kulu nen uchi, wapiya tùwechippù yentai,” teppù Jesus uya.

Luke 11:26 Iomraidhean Croise

Matthew 12:45

Molopai ittà màlà, 7 pan kon tu'ma àli akkwalù yamùk nesse ta'là, àli ton kulu tentaino kon. Tok uyàpù màlà molopai tok wemapù molo. Màlàyau kappon wechi màlà àli pe kulu wapiya tùwechippù yentai. Sàlà kasaichi iwechi màlà sàlà yattai nokon àli ton kappon yamùk winàkàik,” teppù Jesus uya.

Matthew 23:15

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Tuna po tùutàsan amyamlo molopai tamù'nawolon pata yawà, tewin kappon lattàse ewinàkài'nokon. Molopai ilattàsak auya'nokon yau asakitekkwa apok patasek yak tùutàsen yeppe ikussak auya'nokon màlà, akasa'nokon.

Luke 11:25

Màlàyau iwennapo màlà, tùwùk yepolo ya wakù pe, tamù'nawàlà yakolokasak.

Luke 11:27

Jesus uya wate tùpo, nossan uselupappù tukkan kon kappon yamùk kùlottapai. Molopai ipàk, “Tùutauchinpasen mùkkàlà nossan eyentunù'nàippù molopai tùmanatù pàk àku'nàippù!” teppù ya.

John 5:14

Màlà tùpo Jesus uya yepoloppù Katù yùwùk tau, molopai ipàk, “Masa yenkà! Ewennasak man. Àli kùkkupùi sàlà yentak, yattai pùla màlà yentaino wekkupù àpàk,” teppù ya.

1 John 5:16

Ànù'là uya tùtonpa wemakuima weli'nàtok yak anài pen pàk yene yau, tàwà nàpùlemai ipona molopai Katù uya màlà wema'nàtok ke ilepa. Mùkyamlo weli'nàtok yak anài pe pùla tùwemakuimasan pàk wate uya nai'nùk. Tùse molo man àli kuttok weli'nàtok yak anài, molopai, “Màpùlematàik màlà pàk,” te uya pùla man.