Luke 10:41 - Patamuna New Testament Revised

⁴¹ Itepulu uya yeikuppù, “Martha, Martha, mataimelunpayaik molopai mesenumenkayaik eke pe tukkan pàk.

Luke 10:41 Iomraidhean Croise

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

Luke 10:38

Tùutà kon pe Jesus molopai ya'lon kon uyàpùppù pata yak, molo nossan Martha itesek uya tok yanùmùppù màlà tùwùk tak.

Luke 10:40

Martha utaimelunpappù màlà, tamù'nawolon wotoko tùnkupù kupù pàk. Màlàyau iyàpùppù, “Itepulu, uyakon uya ken na' unànsak tewincha wotoko kutoppe uya pàk yà'là là te auya pùla nai? Yeunokkà upùikattàse iyàtoppe!” teppù ya.

Luke 12:22

Màlàyau Jesus uya ta'lon kon pàk, “Sàlà kasaichi iwechi pàk tekamayaik àpàkù'nokon, Kataimelunpatàu ewemattok kon pàk, yà'là là napù auya'nokon pàk, wapùla eyesak kon pàk, àpon kon iche ewettok kon pàk.

Luke 21:34

“Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Luke 8:14

Tùpànsen iwepukasak lùppù àmà’nàttak uya yekama nai'nùk, mùkyamlo Katù Maimu yetan nan. Tùse te'ma kon tawàlà tok utà yau wema'nàtok pàk utaimelunpantok, temamin ke we'nàtok, molopai sàlà motawon pàk utauchinpantok màlà yeulankanài. Tok wepeta pen.

John 11:1

Molo kàyik wechippù màlà Lazarus itesek, e'nek pe iwechippù Bethany po. Mary molopai yakon Martha tawonnan patassek màlà.

John 11:5

Jesus pùnùn pe Martha, molopai Mary, molopai Lazarus tawonnan wechippù màlà.

John 12:2

Molo kùyali konekappù tok uya iponalok pe molopai Martha uya yekamùppù, Lazarus wechippù tok tonpa pe chichiupe Jesus piyau uta'lettàntok yapon po,

Philippians 4:6

Tùutaimelunpaik kettàu yà'làlà pàk, tùse àwàpùlematok kon yau. Katù yekamappotàk kon, iche kulu ewettok kon yennatàk ipàk, tenki tetok itewan pe tàwàlà.