Luke 10:27 - Patamuna New Testament Revised

²⁷ Kàyik uya yeikuppù, “ ‘Itepulu Akatùyi i'nùnmakà tamù'nawàlà eyewan ke tamù'nawàlà ayakkwalù ke, tamù'nawàlà emeluntàlù ke, tamù'nawàlà eusenumenkatok ke, {DEU 6.5}’ molopai, ‘Àtonpa i'nùnmakà eyiwalà mechi'nùnma yai'nùk kasa,’ ” tukaik. {LEV 19.18}

Luke 10:27 Iomraidhean Croise

Matthew 19:19

Àkàipùnù molopai asan tawonnan inamakà. Molopai ayakontalù i'nùnmakà eyiwalà euchi'nùnma kasa tawon,” tukaik.

Luke 10:26

Jesus uya yeikuppù, “Yà'là tawon ken Law yau iwe'menukasak? Yà'là tesak ya yennài àmàlà?” tukaik.

Romans 13:9

Law yau màlà, “Atayappù pen wapùla ànoppù pen pokonpe kettàu,” “Ànù'là kappon kù'wàtàu, Amappe kettàu, Ànù'là yemamin iche kettàu,” tawon {Ex 20.13-15,17, Deu 5 17-19, Deu 5.21}, tamù'nawolon sàlà yamùk molopai tùulon kon sàlà pokon pan kon wepilichak màlà tewinan enupantok pe, “Àtonpa kon ikuttàk à'nùn kon pe euchi'nùnma kon kasa,” tawon yau.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Hebrews 8:10

“Sàlàichi màlà ikupù pàk wekkutok, kappon yamùk Israel pon kon pokonpe màlà yamùk wei tùpo. Law tùlù uya màlà tok usenumenkatok yak, molopai imenuka uya màlà tok yewan pàk. Tok Katùyi pe wechi màlà, molopai uponaloppe tok wechi,” te.

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.