Luke 1:68 - Patamuna New Testament Revised

⁶⁸ “Itepulu yapulàpai'nokon man, Israel Katùyi! Masapùla iyàssak man kappon yamùk tùponalok kon pùikattàse.

Luke 1:68 Iomraidhean Croise

Luke 1:71

Wepùikattàntoppe kùyeyaton kon winàpai, molopai tamù'nawolon kon kùyeya'noman nan meluntàlù winàpai.

Luke 19:44

Tamù'nawàlà tok uya amattanùpù màlà, ayawon kon mule yamùk ewekupili tawon kon pokonpe. Tewin nà tàk nàmà tok uya ipatassek yau pen màlà, masapùla ittuppù auya pen màlà, yà'là yattai là Katù uyàpùppù àpùikattàse,” tukaik.

Luke 2:38

Màlà yattai làmà iwelepamùppù màlà, tenki teppù ya Katù pàk, molopai iichelupappù mule pàk Jerusalem wemokkatok màmuku pàk tùwessan yelupappù ya.

Luke 24:21

Molopai mùkkàlà uya Israel pùikattà pe yekamasakù'nokon tùse! Sàlà màlà icholùwano wei nai'nùk iwekkupùppù motapai.

Luke 7:16

Tamù'nawolon kon usenalippasak wechippù màlà, molopai Katù yapulàppù tok uya. “Eke Katù Maimu yenpoikanài usenpoikasak man kùkklottakù'nokon!” molopai, “Katù uyàssak man tùponalok kon kappon yamùk pùikattàse!” tukaik.

Ephesians 1:3

Tenki te pai'nokon man Katù pàk, Kùyepulu Jesus Christ Kàipùnù pàk! Wakù pe kulu iwessak man kùpàkù'nokon, tamù'nawolon wakù lepantok epùn pon ke kùlepa kon tùuya yawàlà, masapùla Christ ponaloppe we'nà'nokon pàk.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Hebrews 9:12

Itak iwewomùppù màlà tùmùnù winà. Kaapala mùnù molopai paka mule mùnù winà pùla. Tùse iwewomùppù màlà Wakù Kulu Patassek yak tewin itekkwa neken tamù'nawolon kon ponaloppe, tùmàlà pe là tàwàlàlà wepùikattàntok yepoloppù ya màlà kùponalok kon pe.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.