James 4:4 - Patamuna New Testament Revised

⁴ Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

James 4:4 Iomraidhean Croise

Matthew 12:39

“Àli ton molopai ailon ton pen mùkyamlo tùwekkussen yek pen kuttoppe yekamapponnan! Ikupù pen màlà tùse Katù Maimu yenpoikanài Jonah pàk neken iwekkussak lùppù yekama màlà” teppù Jesus uya.

Matthew 16:4

“Àli ton molopai ailon ton pen mùkyamlo tùwekkussen yek pen kuttoppe yekamapponnan. Yentok ipàkàlà kupù pen màlà tùse Jonah pàk neken iwekkussak lùppù yekama,” teppù ya. Màlàyau tok nàmàppù ya molopai iitàppù.

Matthew 6:24

“Ànù'là pùla iwechi màlà asa'lon kon itepulu yamùk yapyoto pe tùwessen. Yattai pùla tewinannà yeya'noma ya, molopai yakon kupù ya tù'nùn pe. Wapùla ailon pe iwechi màlà tewinan pàk molopai yakon yenpàtù ya. Asakklàma Katù molopai pùlayatta yesappe ewechi kon pen màlà eyepulu kon pe.

Luke 19:27

Pùsamlo uyeyaton non tùmàlà'nokon kin pe uyiche pùla iwessak kon nùssan inettàk kon sà motak. Molopai tok iwàtàk kon uyemloto po!’ teppù ya,” tukaik.

John 15:19

Sàlà wolù ponalok kon pe ewechi kon yau, à'nùnma kon ya màlà tùtonpa kon pe kulu ewechi kon kasa. Tùse sàlà wolù ponalok kon pen amyamlo, molopai ayanùnsak kon uya sàlà wolù winàpai pàk màlà, sàlà wolù yawon kon uya tewanma kon pe àkupù kon.

John 17:14

Amaimu tùkassak uya man tok piyak, molopai wolù yawon kon kappon yamùk uya tewanma kon pe tok kussak man, masapùla wolù ponaloppe pùla tok wechi pàk, wolù ponaloppe pùla wessai'nùk kasa.

John 7:7

Wolù yawon kon uya tewanma kon pe àkupù kon pen màlà, tùse tewanma kon pe tok ukussan masapùla tok nùkupù pàk àli pe iwechi màlà teuya pàk.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 8:7

Màlàpàk àli usenumenkantok wechi Katù yeyaton pe màlà. Masapùla Katù winàpaino Law yawàlà pùla iwechi pàk, molopai imaimu yawàlà iwechi yentai iwechi màlà.

1 Corinthians 1:20

Màlàpàk uchi, i'nailà mùkkàlà pukkek kappon? Wapùla tùusenuppasen? Wapùla pukkeppe tùuselupasen sàlà yattai? Katù uya sàlà wolù pukketù wechi wo'mattantok pe yenpoikasak màlà!

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.