James 1:6 - Patamuna New Testament Revised

⁶ Tùse ailon mùkatàik Katù yekamappo auya'nokon yau, molopai iwekkupù na'màichi lù tukaik pùla; masapùla ànù'là na'màichi lù tawon wechi màlà chipachipa palau pon kasa, màlà tùutàsen molopai tùutasse'masen assetun winà.

James 1:6 Iomraidhean Croise

Matthew 14:28

Màlàyau Peter uselupappù, “Uyepulu, àmàlà pe kulu iwechi yau, tuna polo apyak uyàttoppe ikukkà,” tukaik.

Yeunossak kon Wotokoyi 10:20

“Màlàpàk à'mùssakkakà molopai àwuttàkà, molopai tok ya'là itàpai pùla kechii, masapùla tok yeunossak uya màlà,” teppù ya.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

1 Timothy 2:8

Sochi pàk we'nà yattai'ne kàyik yamùk wàpùlema iche wessaik, kàyik yamùk Katù yemyak iwettùsak kon molopai temyatù kon tenkaik tùwàpùlemasan yek tùwe'naikaik pùla wapùla tùusàulàmaik pùla.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

James 1:7

Ànù'là mùkkàlà yekkwa kappon yà'làlà yepolo tùuya Itepulu winàpai pe kùsekamatak,

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.

2 Peter 2:17

Pùsamlo mùkyamlo a'mun tuna yen walai non, katuppluk yasak meluntà assetun uya walai non; Katù uya tok patassek kussak man tàwàlàlà ewalupà yau.