James 1:19 - Patamuna New Testament Revised

¹⁹ Sàlà ittutàk kon, utonpa yamùk kulu! Tàwà tamù'nawolon kon asse'ne yetanài nan pe nechii, tùse tànànpàk tùuselupasan pe, molopai asse'ne tùwe'naikasen pe pùla.

James 1:19 Iomraidhean Croise

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Mark 12:37

David uya tùmàlà pe Christ yesatù ‘Uyepulu’ tukaik tùse, yà'là kasa ken uchi ipa pe iwechi màlà?” teppù Jesus uya tok pàk. Tukkan kon kappon yamùk uya Jesus uselupa yetappù tùutauchinpaik.

Mark 2:2

Màlà yattai là kapon yamùk wepilipùppù tukke. Tok patassek woton pùla iwechippù. Manatta yawàlà tok wechippù. Chisek wechippù màlà Katù Maimu yekama pàk tok pàk.

Luke 15:1

Tewin nà wei yattai tukkan kon pùlayatta pili'nài nan molopai àli ku'nài nan uyàpùppù màlà Jesus uselupa yetase.

Luke 19:48

Tùse yà'là kasa là ikuttok tùuya'nokon yepolo tok uya pùla iwechippù, masapùla tamù'nawolon kon kappon yamùk wechippù màlà iichelupa yeta pàk.

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

Yeunossak kon Wotokoyi 10:33

Màlàpàk asse'ne eyennài nan teunottai, molopai wakù pe kulu ewessak man àuyàpù pàk. Sàlà pe nen uchi tamù'nawàlà talà we'nà man Katù yemloto po, yà'làlà Itepulu Katù nekamappù yekamapa, màmuku pàk yeta toppe,” teppù ya Peter pàk.

Yeunossak kon Wotokoyi 13:48

Yetasak tùuya'nokon yau, Jew yamùk pen utauchinpappù màlà molopai Itepulu maimu yapulàppù tok uya; mùkyamlo tàwàlàlà wema'nàtok ponaloppe yanùnsak kon wenappù màlà ailon tawonnan pe.

Yeunossak kon Wotokoyi 17:11

Molo kappon yamùk wechippù wakù pe ittunnan Thessalonica pon kon yentaino kon. Tok uya itekale yetappù màlà ànùttupai kulu tok wechippù, molopai wei kaichalà tok usenupappù màlà Katù Maimu pàk, Paul nekamappù wechi ailon pe kulu yentoppe tùuya'nokon.

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Ephesians 4:26

Tùwemakuimaik ke'naikatàu. Molopai tùwe'naikase kasapontàtàu.

Ephesians 4:31

Tamù'nawolon àli pe usàulàmantok, molopai we'naikantok inonkatàk kon. Wentaimepà'nàtok wapùla wemottùnpantok nàlà inonkatàk kon! Esseyaton pàk we'nàtok pùla nechii àkklottau'nokon.

Colossians 3:15

Tàwà echitonpa pe we'nàtok Christ nùtùlù eyewan kon yesappe nechii. Masapùla sàlà echitonpa pe we'nàtok yak Katù uya àkà'masak kon màlà tamùkke tewin itesak. Molopai tenki tawon pe ettàk kon.

Colossians 3:8

Tùse sàlà pe sàlà yamùk inonkatàk kon: we'naikantok, tonpa yewan ma'làtok molopai àli pe we'nàtok, àsà wekkupù àtonpa winàkàik iche kettàu tùulon kon winàkàik. Kappon kù'mottùnpatàu, wapùla àli pe uselupantok kùsepakkatak anta kon yai.

1 Thessalonians 2:13

Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.

James 1:16

Màlàpàk kesennakatàu, utonpa yamùk u'nùn ton!

James 1:2

Utonpa yamùk! Atauchinpatàk kon yà'là yekkwa là ittuntok uyàpù ewinàkài'nokon yau,

James 1:26

Ànù'là àkklottau'nokon nai'nùk, “Katù ya'lon Iulà,” tawon, molopai tani yesappe tùwessen pen wechi màlà yà'làlà wakù pùla, molopai ichennaka Katù ya'lon pe iwechi wechi yà'la pe pùla.

James 2:1

Utonpa yamùk! Atta ken ewemapù kon ailon tawonnan pe Christ Jesus, tùnamasen Itepulu yau, temamin kenan kon yanùmù auya'nokon molopai entuppa'no, yà'là pùn nulunpa auya'nokon yau?

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

James 3:10

Tenki tetok molopai pa'nù'nàtok màlà tùwepakkasen màlà lùppù mùta yai. Utonpa yamùk! Sàlà kasa kùsettak`u'nokon!

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

James 5:12

Tùse tamù'nawolon yentai, utonpa yamùk, “Ikupù uya màlà,” te auya'nokon yau, wa kùkatàu “epùn yesek là tesasse”, wapùla “non yesek là”, wapùla yà'làlà winà. “Ewaik”mùkatàik, “ewaik” te auya pe iwechi yau, wapùla “Kane” mùkatàik “kane” te auya pe iwechi yau màlà kasa neken iwechi yau, Katù uya talumattàntok yo'no ewechi kon tukaik.

James 5:19

Utonpa yamùk! Tewin nà àkklottawon kon utatù ailon, iwalai winàpai, molopai tùulon kon uya inettu'ma yau,

1 John 2:21

Emenuka kon Uyaichi sàlà, ailon ittu auya'nokon pùla iwechi pàk pùla; tùse làkku, ittu auya'nokon pàk, molopai nàlà kasei uyàpù ailon yapai pùla ittu auya'nokon pàk.