James 1:10 - Patamuna New Testament Revised

¹⁰ Tàwà temamin kenan kon ailon tawon kappon tùutauchinpaik nechii masapùla Katù uya tùnuttàsak pàk, àsà'mùla tùmasak ya pàk. Masapùla temamin kenan wena ippla màlà wanak yùpùlù kasa.

James 1:10 Iomraidhean Croise

Matthew 5:3

“Tùutauchinpasan mùkyamlo italumayippù pe tùwechi kon tewan kon yau ittunnan. Tok yepulu pe Katù wechi màlà!

Matthew 6:30

Katù mùkkàlà wanak pontànài, wanak nulà nai'nùk sàlà pe, ippla nai'nùk ewanawà, tùpottàsen apok ke. Àpontà kon ya pen kulu ken na' uchi, màlà yamùk yentai? Attu'mùla kulu ailon tetok auya'nokon man!

1 Corinthians 7:31

Mùkyamlo sàlà wolù yawon mamin yapulànnan yapulàtok tùuya'nokon pùla iwechi kasa. Masapùla sàlà wolù sàlà pe yene nai'nùk, uko'mamù tachinpe kulu pen màlà.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

James 4:14

Ittu auya'nokon pùla iwechi màlà yà'là yekkwa ewemattok kon ewanawà! Masapùla ichin pen katuppluk kasa ewechi kon pàk, tensen pe malalà molopai ippla tùwenassen pe.

1 Peter 1:24

Masapùla, “Tamù'nawolon kon kappon yamùk mùkyamlo wanak walainon, molopai tamù'nawolon tok yapulàtok màlà wanak yùpùlù walainon; wanak tùwelichen molopai itùpùlù tùwessolokasen,

1 John 2:17

Wolù molopai tamù'nawolon yawon kon kappon wettok iche màlà tùutàsen molopai ipla tùwenasen; tùse mùkkàlà Katù wettok iche ku'nài wemapù màlà tàwàlàlà.