1 Peter 4:2 - Patamuna New Testament Revised

² Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

1 Peter 4:2 Iomraidhean Croise

Matthew 12:50

Masapùla Ukàipùnù wettok ikupù tùuya iche ku'nài mùkkàlà uyakon, uwàlichi, molopai usan,” teppù Jesus uya.

Matthew 20:4

Màlàpàk tok pàk, ‘Amyamlo nàlà itàtàk kon e'wotokomase u'mà yak, molopai eye'ma kon uya màlà ikasa,’ teppù ya.

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 7:21

“Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Mark 3:35

“Ànù'là Katù yeselu ku'nài wechi màlà uyakon non pe, uwàlichi ton pe, usan pe là,” teppù Jesus uya.

Mark 7:21

Masapùla “I'napai, kappon yewan yapai nepakkayai'nùk màlà, àli pe usenumenkantok àli imakuyippù kuttoppe ya tesak ke iku'nài, amappe we'nàtoppe, we'wàntoppe,

John 1:13

Pùsamlo Katù munkà yamùk wentuppù màlà kappon ichan wapùla ikàipùnù pe pùla, kappon wettok iche kasa pùla wapùla kàyik wettok iche kasa pùla, tùse Katù yai. Katù mùkkàlà tok kàipùnù.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

Romans 14:7

Masapùla ànù'là wemapù tùponaloppe neken nà pen màlà molopai ànù'là tùwelichen tùponaloppe neken pen, wema'nà'nokon yau, Itepulu ponaloppe wema'nà'nokon màlà.

Romans 6:11

Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

2 Corinthians 5:15

Tamù'nawolon kon ponaloppe iwelikùppù màlà mùkyamlo tùwemassan wemapù tùponalà'nokon pe tukaik, tùse mùkkàlà iwelichak lùppù molopai iwuluukasak lùppù tùpàkànsau neken ponaloppe.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

Ephesians 5:17

Pakko pe uchi kettàu, tùse Itepulu Jesus wettok ikupù auya'nokon iche ittuiche ettàk kon.

Ephesians 6:6

Sàlàichi ikùttàk kon eyene kon tok uya yattai neken nà pùla, tok yauchinpapa neken nà. Tùse tamù'nawàlà eyewan kon ke Katù wettok iche ikuttàk kon, Christ yappyoto ton pe.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 3:3

Masapùla ewelichak kon man, molopai ewemattok kon yonansak man Christ pokonpe Katù yau.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 5:18

Tenki tukaik mettàik tamù'nawolon yau. Sàlà màlà Katù wettok ikupù auya'nokon iche, ewematok kon Christ Jesus ponaloppe ewemattok kon yau.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.

1 Peter 1:14

Mule yamùk mayin yawolon kon kasa ettàk kon, molopai kennappotàu pena ewechippù kon yak ittu auya'nokon pùla ewechi kon yau ànkuppù kon lùppù yak.

1 Peter 2:1

Màlàpàk uchi tamù'nawolon àli ton inonkatàk kon: kasei pe kettàu, tùulon kon kùsennakattàu, kùlùmàppe kettàu, wapùla mottùnpan pe uselupantok kùsapulàtàu!

1 John 2:17

Wolù molopai tamù'nawolon yawon kon kappon wettok iche màlà tùutàsen molopai ipla tùwenasen; tùse mùkkàlà Katù wettok iche ku'nài wemapù màlà tàwàlàlà.