1 Peter 3:1 - Patamuna New Testament Revised

¹ Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,

1 Peter 3:1 Iomraidhean Croise

Matthew 18:15

“Àtonpa kon uya àli kussak ewinàkài'nokon yau, ipyak mùtàtàik molopai ikasa pùla iwettok kon mekamatàik. Tùse ayupo pùla mùkuttàik ipokonpe neken. Eyeta kon ya yau, àtonpa mùnapposak auya'nokon màlà.

Romans 10:16

Tùse tamù'nawolon kon uya Wakù Itekale yanùnsak pùla iwechi màlà. Isaiah uya suwa teppù, “Uyepulu Katù, ànùk uya ken ailon tesak nai ina yekale pàk?” {Isa 53.1}

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

Romans 7:2

Iwemali'masak ulichan mùkkàlà yentok ipàkàlà ke lepanài. Iwemali'masak ulichan mùkkàlà law yeselu winà tùnmali'mappù itayappù pe tùwessen tùwemapù yawàlà. Tùse itayappù welichak yau, law yeselu uya yachichak itayappù pàkànsau pen nen uchi màlà.

1 Corinthians 11:3

Tùse ittu auya'nokon iche wessaik Christ wechi tamù'nawolon kon kàyik yamùk ippai pe, molopai nossan ippai pe kàyik wechi, molopai Christ ippai pe Katù wechi.

1 Corinthians 14:34

Màlà kasa nossan yamùk eppana nechii sochi yamùk tau. Tok uselupatoppe tok kupù pen màlà tùse Law nekama yawàlà tok wechi màlà molopai itepulu yo'no.

1 Corinthians 7:16

Yà'là kasa ken ittu auya, tùtayappù kenan, atayapù pùikattà auya pe là iwechi? Wapùla yà'là kasa ken ittu auya, tùnoppù kenan, ànoppù pùikattà auya pe là iwechi?

Ephesians 5:33

Tùse tàwà tamù'nawolon kon tùnoppù kenan kon tùnoppù kon pùnùnmai tùuchi'nùnma kon kasa, molopai tàwà tamù'nawolon kon tùtayappù kenan kon tùtayappù kon namai.

Colossians 3:18

Tùtayappù kenan kon, atayappù kon yentai kekkuttàu, masapùla màlàichi màlà Christ ya'lon pe we'nà nùkupù.

Colossians 4:5

Tùttuik melaikatàik mùkyamlo ailon tawonnan pen winàkàik tok kùlottau. Tamù'nawàlà eweyu kon yapulàtàk kon wakù pe.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 3:2

masapùla tok uya wakù pe molopai namanài pe ewechi kon wechi yene màlà.

1 Peter 3:7

Amyamlo nàlà tùnoppù kenan kon walawotichi yamùk, ànoppù kon piyau ewemapù kon yau, mùttutàik tok wechi attu'mùnon peiwa, màlàpàk tok kùttalumattàtàu namantok yenpoikatàk kon tok pàk; masapùla tok uya nàlà tamùkke àpokonpe'nokon, Katù uya lepantok wema'nàtok ke yanùmù màlà. Sàlàichi ikuttàk kon àwàpùlematok kon wakàttù yà'làlà uya tukaik.

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?