1 Peter 1:6 - Patamuna New Testament Revised

⁶ Atauchinpatàk kon sàlà pàk, malalà eusewankono'ma kon pe iwechi sàlà pe tùse, yattai pùla là tukkan ittuntok yau ewettalumattài'ma'nokon kon.

1 Peter 1:6 Iomraidhean Croise

Matthew 11:28

“Àittàk kon Upyak, tamù'nawàlà amyamlo eme'nek lotù yalà pàk iichetakkasak kon, molopai elepa kon uya màlà wàlàkka'nàtok ke.

Matthew 26:37

Peter molopai asa'lon kon Zebedee munkà yamùk yalàppù ya ta'là. Ichewankono'mappù kulu màlà molopai ittaimelunpappù.

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Luke 1:47

“Uyakkwalù nùtauchinpayan, Katù wechi upùikattànài pe pàk.

Luke 10:20

Katauchinpatàu àli akkwalù yamùk wechi amaimu kon yawàlà pàk. Tùse atauchinpatàk kon eyesek kon we'menukasak làkku epùn po pàk,” tukaik tok yeikuppù ya.

Luke 2:10

Tùse inchelù uya tok pàk, “Kettalipatàu! Masapùla wakù Itekale nessak uya sàlà àponalok kon pe. Eke pe utauchinpantok nepù woton tamù'nawolon kon kappon yamùk piyak.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 5:11

Molopai màlà neken pe pùla iwechi, utauchinpan nokon man Katù yau kùyepulu Jesus Christ yai, mùkkàlà kùku'nàippù'nokon Katù wechiyakonnon pe.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Romans 9:2

Eke pe kulu usewankono'matok man molopai uyewan nùpokoitayan tàwàlàlà ichipittà yeselùkek pùla, utonpa yamùk pàkànsau.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

2 Corinthians 6:10

Tùusewankono'mase tùse tàwàlà tùutauchinpaik, itemamin pùla tùse tukkan kon ma ina uya temamin ke, yà'làlà pùla tùse tamù'nawolon yesappe.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Philippians 2:26

Eyenpai'nokon kulu man tamù'nawàlà molopai ichewankono'masak man e'neppe tùwechi yekale yetasak auya'nokon pàk.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Philippians 4:4

Tàwàlàlàichi tùutauchinpaik ettàk kon Itepulu Jesus ponaloppe ewemapù kon yawàlà. Wate uya tu'ma: tùutauchinpaik ettàk kon!

1 Thessalonians 1:6

Ina yeselu molopai Itepulu Jesus yeselu kasa ewelaikasak kon màlà. Ina wemapù kasa ewemapù kon ke, eke pe ewettalumattài'ma'nokon, Wakù Itekale manùntantàu tùutauchinpaik, Wakù Akkwalù winàpai iyàssak lùppù.

James 1:2

Utonpa yamùk! Atauchinpatàk kon yà'là yekkwa là ittuntok uyàpù ewinàkài'nokon yau,

James 1:9

Tàwà yà'là pùn ailon tawon nùtauchinpai, masapùla Katù uya tanùnsak kon pàk, eke kulu mùkkàlà Katù yenu yau.

James 4:9

Esewankono'matàk kon, àpokoitatàk molopai akalantàk kon; tàwà àwàkklàtok kon nelattài akalantok kon pe, molopai tàwà autauchinpatok nelattài pokoitantok pe.

1 Peter 3:17

Masapùla wakù peiwa wettalumattàn wakù kupù pàkànsau wechi màlà, Katù yeselu pe iwechi yau, àli kupù yentai lùiwa.

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.